Thackeray बंधू एकत्र.. रश्मी वहिनींच्या राज ठाकरेंसोबत रंगल्या गप्पा; सेल्फी घेणारी ‘ती’ कोण?

मिळालेल्या माहितीनुसार, राज ठाकरे आणि उद्धव ठाकरे हे एका कौटुंबिक कार्यक्रमाच्या निमित्ताने एकत्र आले होते. यावेळी रश्मी ठाकरेही उपस्थित होत्या. त्याचवेळी राज आणि रश्मी ठाकरे यांच्यात गप्पा रंगल्याचं पाहायला मिळालं. दरम्यान, राज ठाकरे आणि उद्धव ठाकरे यांच्या या भेटीमुळे राजकीय वर्तुळात मात्र चर्चांना उधाण आलं आहे.

हे ही वाचा>> ‘मुंबईची लूट अहमदाबाद, दिल्लीच्या आदेशावरून’, आदित्य ठाकरे प्रचंड चिडले!

राज ठाकरे यांची बहीण जयंती देशपांडे यांचा मुलगा यश देशपांडे याच्या साखरपुड्याच्या निमित्ताने ठाकरे बंधू हे एकत्र आले होते. दादरमधील हिंदू कॉलनी येथील एका सभागृहात हा समारंभ पार पडला. या कौटुंबिक कार्यक्रमाच्या निमित्ताने ठाकरे कुटुंब एकत्र आलेले पाहायला मिळाले.

सूत्रांच्या माहितीनुसार, दोन्ही भावांमध्ये यावेळी बराच संवाद देखील झालेला पाहायला मिळाला. पण सध्या राज्यात ज्या राजकीय घडामोडी पाहायला मिळतायेत अशावेळी ठाकेर बंधूंच्या या भेटीची सध्या जोरदार चर्चा सुरू आहे. यावेळी रश्मी ठाकरे देखील या कौटुंबिक कार्यक्रमाला उपस्थित होत्या आणि त्या देखील राज ठाकरेंसोबत अगदी हास्यविनोद करताना दिसल्या.

राज-उद्धव ठाकरेंसोबत सेल्फी घेणारी तरुणी कोण?

दरम्यान, ठाकरे कुटुंबातील हा कार्यक्रम हा कौटुंबिक स्वरुपाचा होता. त्यामुळे त्यासाठी कुटुंबातील लोकांनाच निमंत्रित करण्यात आलं होतं. पण यावेळी सर्वाधिक चर्चा रंगली ती राज आणि उद्धव ठाकरेंचा सेल्फी घेण्याचा प्रयत्न करणाऱ्या तरुणीची..

या कार्यक्रमातील जे काही फोटो समोर आले आहेत त्यातील एका फोटोमध्ये राज ठाकरे हे उद्धव ठाकरेंच्या बाजूला उभे होते.. तर या दोघांसोबत आणखी एक व्यक्ती होती. त्याचवेळी राज ठाकरेंची कन्या उर्वशी ठाकरे (Urvashi Thackeray) ही सेल्फी घेण्याचा प्रयत्न करत असल्याचं पाहायला मिळालं.

राज आणि उद्धव ठाकरे एकत्र येणार?

दरम्यान, मागील काही दिवसांपासून दिशा सालियन प्रकरणात आदित्य ठाकरे यांच्यावर आरोप केले जात होते. पण या प्रकरणात आदित्य ठाकरे यांचा काही संबंध असू शकत नाही किंवा ते असं काही करणार नाही असं विधान शर्मिला ठाकरे यांनी केलं होतं. त्यामुळे या निमित्ताने शर्मिला ठाकरे या आदित्य ठाकरेंच्या पाठिशी उभ्या असल्याचं पाहायला मिळालं होतं.

हे ही वाचा>> Suresh Lad : शरद पवारांना कोकणात धक्का! दोन वेळा आमदार राहिलेला नेताच भाजपात

यानंतर उद्धव ठाकरेंनी देखील याबाबत शर्मिला ठाकरेंचे आभार मानले होते. अशावेळी राज ठाकरे आणि उद्धव ठाकरे यांच्यात राजकीय वितुष्ट असलं तरीही कौटुंबिक कार्यक्रमात मात्र हे दोन्ही भाऊ अगदी हसत-खेळत वावरत असल्याचं पाहायला मिळालं.

एकीकडे शिवसेनेत फूट पडल्यानंतर दोन्ही ठाकरे बंधूच्या कार्यकर्त्यांची अशी इच्छा आहे की, या दोन्ही भावांनी एकत्र यावं आणि एकत्रितपणे निवडणुकीला सामोरं जावं आणि आजच्या या भेटीमुळे या चर्चेने पुन्हा एकदा जोर पकडला आहे.