EVM च्या मुद्द्यावरून वरून शरद पवार-अजित पवारांमध्ये टोकाचे मतभेद!
ईव्हीएमबद्दल विरोधकांकडून शंका उपस्थित करण्यात आल्या आहेत. मात्र, यावर शरद पवार आणि अजित पवार यांनी परस्परविरोधी भूमिका मांडल्या आहेत.
ADVERTISEMENT
देशात पुन्हा एकदा ईव्हीएमचा मुद्दा चर्चेत आला असून, यावर राष्ट्रवादी काँग्रेसचे अध्यक्ष शरद पवार आणि विरोधी पक्षनेते अजित पवार यांच्यात एकमत नसल्याचे समोर आले. अजित पवार आणि शरद पवार यांच्या परस्परविरोधी राजकीय भूमिकांची चर्चा होत असतानाच हा मुद्दा पुढे आला आहे. त्यामुळे राष्ट्रवादी काँग्रेसच्या महत्त्वाच्या दोन नेत्यांबद्दल राजकीय वर्तुळात चर्चा सुरू झाली आहे.
विरोधी पक्षाच्या नेत्यांची दिल्लीत बैठक झाली. या बैठकीत इतर मुद्द्यांबरोबरच ईव्हीएमचाही मुद्दा उपस्थित करण्यात आला. यासंदर्भात विरोधी पक्षाच्या नेत्यांनी ईव्हीएमबद्दल असलेल्या शंकाचं पत्रही केंद्रीय निवडणूक आयोगाला दिलं आहे. विरोधकांच्या या आक्षेपांवर सत्ताधारी नेत्यांकडून टीका होत असताना, या मुद्द्यावर महाराष्ट्रातील महत्त्वाच्या पक्षातील शरद पवार आणि अजित पवारांचंच एकमत नसल्याचं समोर आलं.
ईव्हीएमच्या मुद्द्यावर शरद पवार काय म्हणाले, ते वाचा…
राष्ट्रवादी काँग्रेसचे अध्यक्ष शरद पवार म्हणाले, “ईव्हीएम मशीनसंदर्भात खुपदा आमच्या लोकांची तक्रार आहे, ती तक्रार खरी नाही हे दाखवण्यासाठी निवडणूक आयोग अशा पद्धतीने काम करतं. समजा माझा मतदारसंघ आहे, तिथे काही चुकीचं करणार नाही. तिथे निकाल लागला चांगला की सांगणार यांच्या मतदारसंघात हे निवडून आले, तेव्हा मशीन चांगले होते. दुसऱ्या मतदारसंघात वेगळा निकाल लागला की, तक्रार करतात.”
पुढे पवार म्हणाले, “प्रश्न असा आहे की त्यामध्ये जी चीप टाकतात, त्या चीपबद्दल काही तज्ज्ञांना शंका आहे. म्हणून आम्ही वेगवेगळ्या पक्षाचे लोक एकत्र बसलो आणि त्याच्यावर काही प्रश्न उपस्थित केले. ते निवडणूक आयोगाकडे दिले. याचा खुलासा करा. आमची शंका दूर करा, आमची काहीच तक्रार नाही. पण, ती दूर न करता निवडणूक तुम्ही घेतली, तर शंकेला जागा आहे”, असं शरद पवार म्हणाले.
हे वाचलं का?
