तुकाराम मुंढेंचा हॉटेल्सवर ‘सर्जिकल स्ट्राइक’! कुठे झुरळांचा सुळसुळाट तर कुठे किचनशेजारी टॉयलेट!
तुकाराम मुंढे यांच्या नेतृत्वाखाली मुंबईतील हॉटेल्सवर अन्न व औषध प्रशासनाची मोठी कारवाई करण्यात आली. ज्यामध्ये झुरळे, माशा, अस्वच्छ किचन, किचनशेजारी शौचालय आणि अन्नसाठवणुकीतील त्रुटी तपासणीत समोर आल्या.
ADVERTISEMENT
मुंबई: महाराष्ट्राच्या अन्न व औषध प्रशासनाचे आयुक्त तुकाराम मुंढे यांनी पदभार स्वीकारल्यानंतर राज्यभरात अन्न व औषध प्रशासनाच्या कारवायांना वेग आल्याचे पाहायला मिळत आहे. मुंबई, पुणे, नागपूर आणि नाशिकसह आता ग्रामीण भागातही अन्न व औषध प्रशासनाकडून तपासण्या आणि कारवाया केल्या जात आहेत.
मुंबईतील हॉटेल्सवरही FDA ने पुन्हा एकदा लक्ष केंद्रित केले आहे. 4 ते 6 ऑगस्टदरम्यान बृहन्मुंबई विभागात मोठ्या प्रमाणात हॉटेल्स आणि रेस्टॉरंट्सची तपासणी करण्यात आली. या तपासणीत अनेक ठिकाणी स्वच्छता आणि अन्न सुरक्षा नियमांशी संबंधित त्रुटी आढळल्याचे समोर आले.
काही ठिकाणी किचनच्या जवळच शौचालय, काही ठिकाणी झुरळांचा आणि माशांचा वावर, तर काही ठिकाणी अन्नसाठवणूक आणि पेस्ट कंट्रोलसंदर्भात नियमांचे पालन झाले नसल्याचे तपासणीत आढळले.
दादरच्या इट निनोचा परवाना निलंबित
दादरमधील इट निनो रेस्टॉरंटवर FDA ने कारवाई केली. तपासणीदरम्यान रेस्टॉरंटमध्ये अस्वच्छ वातावरण असल्याचे आणि घरमाशांचा वावर आढळल्याचे नमूद करण्यात आले.