IPL 2023 बाबतीत मोठी बातमी; BCCI ला मिळाली 'मोठी विंडो', स्पर्धा होणार आणखी रोमांचक

पुढील 5 वर्षांचे आयपीएलचे मीडिया हक्क विक्रमी किमतीत विकल्यानंतर आता आयपीएल 2023 बद्दल मोठी बातमी समोर आली आहे.
IPL
IPL फाईल फोटो

पुढील 5 वर्षांचे आयपीएलचे मीडिया हक्क विक्रमी किमतीत विकल्यानंतर आता आयपीएल 2023 बद्दल मोठी बातमी समोर आली आहे. आता पुढील आयपीएलसाठी BCCI ला मोठी विंडो मिळाली आहे. बीसीसीआयचे सचिव जय शाह यांनी सांगितले की, आयसीसीच्या एफटीपीला आयपीएल 2023 साठी अडीच महिन्यांचा कालावधी असणार आहे.

अडीच महिन्यांची विंडो म्हणजे अधिक सामने, अधिक रोमांच. यापूर्वी जय शाहांना आयपीएलच्या मीडिया हक्कांसाठी विक्रमी बोली लावल्याबद्दल आश्चर्य वाटले नाही. ते म्हणाले की, इंडियन प्रीमियर लीग ही जगातील सर्वात यशस्वी क्रिकेट लीग आहे. या लीगमध्ये अधिक योगदान देण्याची क्षमता आहे.

जय शाह यांनी पीटीआयशी संवाद साधताना सांगितले की, आंतरराष्ट्रीय क्रिकेट परिषदेच्या नवीन फ्युचर टूर प्रोग्राम (एफटीपी) म्हणजेच आयसीसीकडे इंडियन प्रीमियर लीगसाठी अडीच महिन्यांचा कालावधी असेल. आयपीएलच्या मीडिया हक्कांसाठी रेकॉर्ड बोलीवर विचारले असता, जय शहा म्हणाले, “आम्ही बोली लावलेल्या आकडेवारी आश्चर्यकारक आहेत. यावरून आपल्या देशात क्रिकेटमध्ये किती विकास क्षमता आहे हे दिसून येते. या यशाबद्दल मी आनंदी आहे."

डिजिटल इंडियाने क्रिकेट पाहण्याची पद्धत बदलली - जय शाह

जय शाह पुढे म्हणाले की, डिजिटल इंडिया उपक्रमाला चालना मिळाल्यानंतर देशातील क्रिकेटकडे पाहण्याचा दृष्टिकोन बदलला आहे. डिजिटल हक्कांच्या बोलीमध्ये याचे उदाहरण दिसले आहे. बीसीसीआयने यावर्षी आयपीएल मीडिया हक्कांची मूळ किंमत 32,500 कोटी रुपये ठेवली होती, जी गेल्या 5 वर्षांच्या तुलनेत दुप्पट होती. आणि या मूळ किमतीपेक्षा कितीतरी जास्त रक्कम मिळाल्याने जय शाह आनंदी आहे.

आयसीसीच्या नवीन एफटीपीमध्ये आयपीएलसाठी अडीच महिन्यांचा कालावधी

IPL 2027 मध्ये 94 सामने खेळवले जाणार आहेत. त्या सामन्यांचे व्यवस्थापन आणि त्याचा आंतरराष्ट्रीय क्रिकेटवर होणारा परिणाम याबाबत शाह म्हणाले, हा एक पैलू आहे ज्यावर आम्ही काम केले आहे. पुढील ICC च्या FTP कॅलेंडरमध्ये IPL साठी अडीच महिन्यांची अधिकृत विंडो असणार आहे. जेणेकरून सर्व अव्वल आंतरराष्ट्रीय क्रिकेटपटू सहभागी होऊ शकतील. आम्ही विविध देशांच्या मंडळांशी तसेच आयसीसीशी चर्चा केली आहे असल्याचे जय शाह म्हणाले आहेत.

आयपीएलमधील प्रेक्षक संख्येत घट झाल्याबद्दल म्हणाले...

जय शाह यांनी स्पष्टपणे सांगितले की, आयपीएल पाहणाऱ्यांच्या संख्येत कोणतीही घट झालेली नाही. प्रेक्षकसंख्येमध्ये 30 टक्के घट झाल्याची चर्चा नाकारून ते म्हणाले, 2020 आणि 2021 मध्ये आयपीएल दर्शकांची संख्या जास्त होती कारण कोरोनाच्या काळात क्रिकेट हे लोकांसाठी मनोरंजनाचे उत्तम साधन होते. यावर्षी कोरोनाचा प्रभाव कमी झाल्यावर लोक घराबाहेर पडू लागले. यामुळेच व्ह्यूअरपशिप घसरली आहे.

Related Stories

No stories found.
Mumbai Tak
www.mumbaitak.in