‘त्या’ मुलीने क्रिकेटर पृथ्वी शॉ विरोधात कोर्टाकडे केली मोठी मागणी

सोशल मीडिया इन्फ्ल्यूएन्सर सपना गिलने भारताचा युवा क्रिकेटपटू पृथ्वी शॉ याच्याविरोधात न्यायालयात धाव घेतली आहे. आपल्यावर झालेल्या कथित हल्ल्याप्रकरणी पृथ्वी शॉ आणि त्याचा मित्र आशिष सुरेंद्र यादव यांच्याविरोधात भारतीय दंड विधान कलम 354, 509, 324 च्या अंतर्गत गुन्हा दाखल करावा अशी मागणी सपना गिलने अंधेरी महानगर दंडाधिकारी न्यायालयापुढे केली आहे. (Criminal complaint filed against cricketer prithvi shaw and his friend ashish surendra yadav before andheri magistrate 66 court by influencer Sapna Gill)

यावेळी सपना गिलने हा हल्ला सिद्ध करणारा एक महत्त्वाचा दस्तऐवज म्हणून सरकारी रुग्णालयाचा वैद्यकीय पुरावा जोडला आहे. यासोबत आपल्या तक्रारीची दखल न घेतल्याबद्दल विमानतळ पोलिस स्टेशनचे अधिकारी सतीश कवनकर आणि भागवत गरंडे यांच्याविरुद्धही गुन्हा दाखल करावा अशी मागणी सपना गिलने केली आहे. यावर आता 17 एप्रिलला सुनावणी होणार आहे.

हेही वाचा : Dasun Shanaka : गुजरात संघात आला हा धडाकेबाज प्लेयर; ठरू शकतो गेमचेंजर

नेमकं काय घडलं होतं?

ओशिवरा पोलीस स्थानकात दाखल तक्रारीनुसार, 15 फेब्रुवारीला पृथ्वी शॉ आणि त्याचे मित्र एका पंचतारांकित हॉटेलमध्ये जेवायला गेले होते. यावेळी हॉटेलमध्ये पृथ्वी शॉ याच्याकडे एक तरुण आला आणि त्याने सेल्फी काढण्याची मागणी केली. यावेळी पृथ्वीने 2 लोकांसोबत सेल्फीही काढला, पण तोच ग्रुप परत आला आणि त्यातील इतर जणही सेल्फी काढण्याचा आग्रह करू लागले.

पृथ्वी शॉने यावेळी आपण मित्रांसोबत जेवायला आलो असून मला त्रास देऊ नका असं म्हणत सेल्फीला नकार दिला. पण संबंधित ग्रुपमधील तरुणांनी अधिक आग्रह केल्याने पृथ्वीच्या मित्राने हॉटेल व्यवस्थापकाला फोन करून तक्रार केली. व्यवस्थापकाने त्या लोकांना हॉटेलमधून बाहेर जाण्यास सांगितले. यानंतर ते सर्व बाहेर पृथ्वी शॉची वाट पाहू लागले.

हेही वाचा : IPL 2023 DC vs GT: दिल्लीच्या हातातला मॅच निसटला; गुजरातने अशी पलटली बाजी

पृथ्वी शॉच्या मित्राने केलेल्या तक्रारी असं म्हटलं होतं की, ‘आम्ही बाहेर पडताच 8 जणांच्या ग्रुपने बेसबॉलच्या बॅटने पृथ्वी शॉच्या मित्राच्या कारची विंडशील्ड तोडली. त्यावेळी कारमध्ये फक्त पृथ्वी शॉ उपस्थित होता. पण आम्हाला कोणताही वाद नको होता म्हणूनच आम्ही पृथ्वी शॉला दुसऱ्या कारमध्ये बसवून पुढे पाठवले. जोगेश्वरीतील लोटस पेट्रोल पंपाजवळ शॉ यांच्या मित्राची गाडी थांबली होती. त्यावेळी तिथे एक महिला आली आणि म्हणाली की हे प्रकरण पुढे न्यायचे नसेल तर 50 हजार रुपये द्यावे लागतील अन्यथा खोटे आरोप करू.

हेही वाचा : Akash Chopra : IPL मध्ये पुन्हा कोरोनाचा शिरकाव, दिग्गज केमेंटेटर पॉझिटिव्ह

यानंतर या ग्रुपमधील सना उर्फ सपना गिल आणि इतर काही जणांसोबत पृथ्वी शॉची बाचाबाची झाली. यावेळी व्हायरल झालेल्या एका व्हिडीओमध्ये पृथ्वी शॉ हा हातात काठी घेऊन रस्त्यावर फिरताना आणि एका मुलीचा हात धरून तिच्याशी भांडताना दिसत आहे. दरम्यान, या ग्रुपमधील 8 जणांपैकी सना उर्फ ​​सपना गिल आणि शोबित ठाकूर नावाच्या दोघांना हॉटेलच्या व्यवस्थापकानेच ओळखले आणि पोलिसांना सांगितले. आता याच प्रकरणी पृथ्वी शॉविरोधात गुन्हा दाखल करण्याची मागणी करण्यात आली आहे.