rinku singh : गॅस सिलेंडर डिलिव्हरी करणाऱ्याचा मुलगा रिंकू बनला IPLचा सुपरस्टार
रिंकू फार शिकलेला नव्हता, त्यामुळे त्याला कोचिंग सेंटरमध्ये सफाई कामगाराची नोकरी मिळाली. रिंकूला हे काम करावेसे वाटले नाही.
ADVERTISEMENT
Rinku singh life’s Story : इंडियन प्रीमियर लीगमध्ये (आयपीएल) 9 एप्रिलला (रविवार) अहमदाबादच्या नरेंद्र मोदी स्टेडियमवर असा सामना खेळला गेला, जो अनेक वर्षे चाहते विसरणार नाहीत. कोलकाता नाईट रायडर्स आणि गुजरात टायटन्स यांच्यात खेळल्या गेलेल्या या सामन्यात रिंकू सिंगची मुख्य भूमिका होती. डावखुरा फलंदाज रिंकू सिंगने सामन्याच्या शेवटच्या षटकात असा अप्रतिम खेळ दाखवला की त्याचे कौतुक करायला शब्दच कमी पडले.(The story of Rinku, the 5-sixer; Who became the biggest superstar of IPL)
KKR : रिंकू सिंगचे उत्तुंग षटकार! नाचू लागला पठाण; सुहाना-अनन्यानेही लुटला आनंद
कोलकाताला शेवटच्या षटकात विजयासाठी 29 धावा करायच्या होत्या आणि त्यांचा पराभव जवळपास निश्चित दिसत होता. गुजरात टायटन्सचा कार्यवाहक कर्णधार राशिद खानने डावखुरा वेगवान गोलंदाज यश दयालकडे शेवटचे षटक टाकण्याची जबाबदारी सोपवली. यश दयालच्या पहिल्याच चेंडूवर उमेश यादवने सिंगल घेत रिंकू सिंगला स्ट्राईक दिली. यानंतर रिंकूने सलग पाच षटकार ठोकत संघाला विजय मिळवून दिला.
शेवटच्या सात चेंडूत 40 धावा केल्या
आपल्या संघाचा कर्णधार नितीश राणा बाद झाल्यानंतर रिंकू सिंग क्रीजवर आला. 25 वर्षीय रिंकूने आपल्या डावाची सुरुवात अतिशय संथ गतीने केली आणि पहिल्या 14 चेंडूत केवळ 8 धावा केल्या. पण, रिंकूने खेळलेल्या शेवटच्या सात चेंडूंमध्ये त्याने 40 धावा केल्या. एकंदरीत, रिंकू सिंगने 21 चेंडूंचा सामना करत नाबाद 48 धावा केल्या, ज्यात सहा षटकार आणि एका चौकाराचा समावेश होता.
हे वाचलं का?
ADVERTISEMENT
रिंकूच्या आयपीएल कारकिर्दीतील ही सर्वोत्तम धावसंख्या होती.आयपीएलच्या इतिहासात एखाद्या संघाने शेवटच्या षटकात इतक्या धावा देऊन सामना जिंकण्याची ही पहिलीच वेळ आहे. यापूर्वी आयपीएल 2016 मध्ये, रायझिंग पुणे सुपरजायंट्सने पंजाब किंग्जविरुद्ध शेवटच्या षटकात आवश्यक 23 धावा केल्या होत्या. या धमाकेदार खेळीनंतर रिंकू सिंग आयपीएलच्या सुपरस्टार खेळाडूंच्या यादीत सामील झाला आहे. रिंकू सिंगची कहाणी लाखो तरुणांसाठी प्रेरणादायी आहे.
या कारणावरून रिंकू सिंगला घरात रागवायचे
रिंकूचा जन्म 12 ऑक्टोबर 1997 रोजी अलिगढ, उत्तर प्रदेश येथे झाला आणि तो 5 भावंडांमध्ये तिसरा आहे. रिंकूच्या वडिलांची आर्थिक परिस्थिती चांगली नसल्याने ते गॅस सिलिंडर डिलिव्हरी करायचे. दुसरीकडे रिंकूला लहानपणापासूनच क्रिकेटची आवड होती, पण आपल्या मुलाने या खेळात वेळ वाया घालवू नये असे वडिलांना वाटत होते. त्यामुळे रिंकूला अनेकदा घरी रागवायचे. असे असतानाही रिंकूने क्रिकेट खेळणे सुरूच ठेवले. दिल्लीत खेळल्या गेलेल्या एका स्पर्धेत त्याला बक्षीस म्हणून बाईक मिळाली, जी त्याने वडिलांना दिली. त्यामुळे रिंकूला रागावणं थांबलं, मात्र कुटुंबाची आर्थिक परिस्थिती बेताचीच होती. अशा परिस्थितीत रिंकूने नोकरी करण्याचा निर्णय घेतला.
ADVERTISEMENT
रिंकूला सफाई कामगाराची नोकरी मिळाली
रिंकू फार शिकलेला नव्हता, त्यामुळे त्याला कोचिंग सेंटरमध्ये सफाई कामगाराची नोकरी मिळाली. रिंकूला हे काम करावेसे वाटले नाही आणि त्याने काही दिवसांतच या कामाचा निरोप घेतला. यानंतर रिंकूने आपले लक्ष क्रिकेटवर केंद्रित केले ज्यामुळे त्याचे करिअर उजळू शकेल. मोहम्मद जिशान आणि मसूद अमीन या दोन व्यक्तींनी रिंकू सिंगच्या कारकिर्दीला नवीन उड्डाण देण्यात मदत केली. मसूद अमीनने लहानपणापासूनच रिंकूला क्रिकेटचे प्रशिक्षण दिले आहे, तर 16 वर्षाखालील ट्रायल्समध्ये दोनदा अपयशी ठरल्यानंतर झीशानने या क्रिकेटरला खूप मदत केली. स्वतः रिंकूने एका मुलाखतीमध्ये हे सांगितलं.
ADVERTISEMENT
2014 मध्ये रिंकूच्या मेहनतीला अखेर फळ मिळाले जेव्हा त्याला उत्तर प्रदेशसाठी लिस्ट-ए आणि टी-20 क्रिकेटमध्ये पदार्पण करण्याची संधी मिळाली. रिंकू सिंगनेही पंजाबविरुद्ध दोन वर्षांनंतर प्रथम श्रेणी पदार्पण केले. त्यानंतर रिंकूने मागे वळून पाहिले नाही आणि देशांतर्गत क्रिकेटमध्ये सातत्याने चांगली कामगिरी केली आहे. आयपीएल 2017 च्या लिलावात रिंकूला किंग्ज इलेव्हन पंजाब (आता पंजाब किंग्स) ने 10 लाख रुपयांना विकत घेतले. मात्र, त्या मोसमात त्याला एकच सामना खेळायला मिळाला.
मागच्या सिझनमध्ये रिंकूने केली होती कमाल
2018 च्या मोसमात, रिंकू सिंगला कोलकाता नाईट रायडर्सने 80 लाख रुपयांना आपल्या संघात समाविष्ट केले होते. तेव्हापासून तो केकेआरशी जोडला गेला आहे. मात्र, IPL 2021 च्या मोसमात तो गुडघ्याच्या दुखापतीमुळे एकही सामना खेळू शकला नाही. रिंकूला केकेआरने आयपीएल 2022 च्या मेगा लिलावात 55 लाख रुपयांना खरेदी केले होते. आयपीएलमध्ये रिंकूने आतापर्यंत 20 सामने खेळले असून 24.93 च्या सरासरीने 349 धावा केल्या आहेत. आयपीएल 2022 मध्ये लखनऊविरुद्धच्या सामन्यात रिंकूने अवघ्या 15 चेंडूत 40 धावा केल्या होत्या, त्यानंतर रिंकूचा डाव ओसरला होता.
शानदार आहे रिंकूचा डोमेस्टिक रेकॉर्ड
रिंकू सिंगने आतापर्यंत 40 प्रथम श्रेणी, 50 लिस्ट-ए आणि 78 टी-20 सामने खेळले आहेत. प्रथम श्रेणी क्रिकेटमध्ये, रिंकूने 59.89 च्या सरासरीने 2875 धावा केल्या आहेत ज्यात सात शतके आणि 19 अर्धशतकांचा समावेश आहे. प्रथम श्रेणी क्रिकेटमध्ये रिंकूची सर्वोत्तम धावसंख्या नाबाद 163 आहे. आणि लिस्ट-ए मध्ये रिंकूने 53 च्या सरासरीने 1749 धावा केल्या. लिस्ट-ए क्रिकेटमध्ये रिंकू सिंगच्या नावावर 1 शतक आणि 16 अर्धशतके आहेत. रिंकूने टी-20 सामन्यात 6 अर्धशतकांच्या मदतीने 1392 धावा केल्या. रिंकूने चमकदार कामगिरी करत राहिल्यास त्याला टीम इंडियाकडून खेळण्यासाठी बोलावले जाऊ शकते.
एका षटकात पाच षटकार (आयपीएल):
ख्रिस गेल (RCB) विरुद्ध राहुल शर्मा (पुणे वॉरियर्स), बेंगळुरू, 2012
राहुल तेवतिया (RR) वि शेल्डन कॉट्रेल (PBKS), शारजाह, 2020
रवींद्र जडेजा (CSK) विरुद्ध हर्षल पटेल (RCB), मुंबई 2021
मार्कस स्टॉइनिस आणि जेसन होल्डर (LSG) विरुद्ध शिवम मावी (केकेआर), पुणे 2022
रिंकू सिंग (KRR) विरुद्ध यश दयाल (GT), अहमदाबाद 2023
ADVERTISEMENT