Personal Finance: SIP मधून पर्सनल लोन फेडणं शहाणपणाचा निर्णय की मोठी Risk?

या कल्पनेअंतर्गत, लोक त्यांचा EMI कमी करण्यासाठी कर्जाचा कालावधी वाढवतात. नंतर उर्वरित रक्कम दरमहा SIP मध्ये टाकली जाते. दीर्घकाळात, जर SIP चा परतावा कर्जाच्या व्याजदरापेक्षा जास्त झाला, तर त्या फंडमधून कर्ज लवकर परतफेड करता येते. तसेच अधिकचे पैसे देखील जमवता येतात.

याबाबत तज्ज्ञांते मत आहे की, एसआयपी वापरून पर्सनल लोन हे प्रीपेमेंट करणे हे नाविन्यपूर्ण आहे. इक्विटी मार्केटने सामान्यतः 12-14 टक्के परतावा दिला आहे, तर पर्सनल लोनचा व्याजदर 10-16 टक्के असतात. परंतु बाजार अस्थिर असू शकतो. म्हणून वेळेवर EMI भरत रहा आणि अतिरिक्त पैसे SIP मध्ये गुंतवा.

फायदे

• जास्त परताव्याची शक्यता: जर बाजार चांगला चालला असेल, तर SIP कर्जावरील व्याजदरापेक्षा जास्त कमाई करू शकतात.
• लिक्विडिटी कायम राहते: गरज पडल्यास SIP मधून पैसे लवकर काढता येतात.
• कर लाभ: एक वर्षानंतर, तुम्हाला SIP मधून मिळणाऱ्या नफ्यावर कर सूट मिळू शकते.

जोखीम

• बाजार जोखीम: इक्विटी गुंतवणुकीवरील परताव्यांची हमी दिली जात नाही.
• शिस्त महत्त्वाची आहे: जर SIP वेळेवर गुंतवली नाही तर नफा कमी होऊ शकतो.
• जास्त व्याजदर: पर्सनल लोनचा व्याजदर SIP परताव्यापेक्षा अनेकदा जास्त असतात.

SIP द्वारे कर्ज प्रीपेमेंट करणे तेव्हाच फायदेशीर ठरते जेव्हा गुंतवणूकदार दीर्घकाळ शिस्तबद्ध राहू शकतो आणि बाजारातील चढउतारांना तोंड देण्याची क्षमता बाळगतो. अन्यथा, थेट कर्जाची पूर्व-भरपाई हा एक सुरक्षित पर्याय आहे.