मुंबईची खबर: मुंबईत पहिला एन्काउंटर नेमका कधी झाला? 'त्या' अंडरवर्ल्ड डॉनविषयी जाणून घ्या...

1982 मध्ये मुंबईत पहिला एन्काउंटर...

11 जानेवारी 1982 रोजी मुंबईत पहिला एन्काउंटर करण्यात आला आणि तो म्हणजे मनोहर अर्जुन सुर्वे उर्फ मन्या सुर्वे याचा. वडाळा येथील आंबेडकर महाविद्यालयासमोर पोलिसांनी या कुख्यात अंडरवर्ल्ड गुंडाचा एन्काउंटर केला. ही देशातील पहिली ज्ञात चकमक मानली जाते. पोलीस अधिकारी राजा तांबट आणि इसाक बागवान यांनी हे एन्काउंटर घडवून आणलं होतं. त्यानंतर, 16 नोव्हेंबर 1991 रोजी अंधेरी लोखंडवाला येथे ATS ने केलेल्या चकमकीत मनोहर डोलस उर्फ माया डोलस ठार झाला.

यामुळे मुंबईत गँगवॉर आणि त्यांच्यावर पोलिसांच्या कारवाईची लाट उसळली. दाऊद गँग, छोटा राजन गँग आणि अरुण गवळी याच्या टोळीतील शेकडो शूटर पोलिसांच्या गोळीबारात मारले गेले. 1990 ते 2003 या काळात जवळपास 600 हून अधिक एन्काउंटर केले गेले असल्याचा अंदाज आहे. हा काळ मुंबई पोलिसांचं 'एन्काउंटर राज' म्हणून ओळखला गेला. 

हे ही वाचा: प्रतिष्ठित बीडी व्यावसायिकाची हत्या! किरकोळ कारणावरून मुलासोबत वाद, वडिलांवर गोळी झाडली अन् नंतर स्वत:च्या डोक्यात...

2000 च्या दशकानंतर एन्काउंटरवर बंधने...

2000 च्या दशकानंतर, न्यायपालिका आणि मानवाधिकार संघटनांच्या दबावामुळे एन्काउंटरवर बंधने वाढली. त्यावेळी, अनेक प्रकरणांची चौकशी सुरू करण्यात आली आणि काही अधिकाऱ्यांवर बनावट म्हणजेच खोट्या एन्काउंटरचा आरोपही करण्यात आला होता. तरी सुद्धा, मुंबई पोलिसांचं चकमकीचं हे धोरण गुन्हेगारी जगतात भितीचं कारण ठरलं. 

हे ही वाचा: भाच्याला मामीसोबत ठेवायचे होते शारीरिक संबंध... मामासोबत वाद पेटला अन् 'अशी' केली निर्दयी हत्या!

एन्काउंटरच्या घटना कमी...

गेल्या काही वर्षांपासून टेक्निकल, गुप्तचर माहिती आणि सायबर ट्रॅकिंगमुळे एन्काउंटरच्या घटना कमी झाल्या असल्या तरी, जेव्हा कधी गंभीर गुन्हेगारी प्रकरण समोर येतं, तेव्हा मुंबई पोलिसांची ही कठोर प्रतिमा अजूनही लक्षात ठेवली जाते. 27 ऑक्टोबर 2008 रोजी राहुल राजचा एन्काउंटर झाला आणि 11 नोव्हेंबर 2006 रोजी वर्सोवा येथे झालेल्या एन्काउंटरमध्ये राम नारायण गुप्ता उर्फ लखन भैय्या मारला गेला. 23 सप्टेंबर 2024 रोजी बदलापूर येथे झालेल्या एन्काउंटरमध्ये अक्षय शिंदे मारला गेला आणि त्यानंतर नुकतंच 30 ऑक्टोबर 2025 रोजी पवई येथे झालेल्या चकमकीत रोहित आर्याचा मृत्यू झाला.