काय आहेत आदेश?

मुंबईत लागू करण्यात आलेल्या प्रतिबंधात्मक आदेशानुसार पाच किंवा त्याहून अधिक लोकांना एकत्र जमण्यास सक्त मनाई करण्यात आली आहे. तसेच विविध प्रकारच्या मिरवणुका, आंदोलने, सार्वजनिक सभा, लाऊडस्पीकर आणि वाद्यवृंदांचा वापर करण्यावर तसेच फटाके फोडण्यावर पूर्ण बंदी घालण्यात आली आहे. नागरिकांना याचे पालन करणे आवश्यक आहे.

हे ही वाचा : 'जरांगे पाटलांच्या विरोधात काय चाललंय?' राज ठाकरे संतापले, सत्ताधाऱ्यांना दिला गंभीर इशारा

'या' गोष्टींना सूट

मात्र, सर्वसामान्य नागरिकांच्या आणि व्यावसायिक जीवनाचा सुरळीत कारभार सुरू राहावा म्हणून अनेक गोष्टींना यातून सूट देण्यात आली आहे. यामध्ये विवाह व त्यासंबंधित विधी, अंत्ययात्रा, कंपन्यांच्या कायदेशीर बैठका, सामाजिक मेळावे, तसेच चित्रपटगृहे, नाट्यगृहे, शाळा, महाविद्यालये आणि सरकारी कार्यालयांचे कामकाज नेहमीप्रमाणे सुरू राहणार आहे.

हे ही वाचा : CJP चे आंदोलन आता थंडावणार? सौरव दास आणि आशुतोष रांकाने काय दिली हमी?

परवानगी घेतलेल्या मोर्चांनाही सूट

याशिवाय व्यावसायिक दुकाने, कारखाने, व्यापारी प्रतिष्ठाने आणि पोलिसांची पूर्वपरवानगी घेतलेले शांततापूर्ण मोर्चे यांनाही या निर्बंधांपासून पूर्ण सूट देण्यात आली आहे. प्रशासनाने नागरिकांना 25 ऑक्टोबरपर्यंत या नियमांचे पालन करून सहकार्य करण्याचे आवाहन केले आहे. त्यामुळे येत्या 25 ऑक्टोबरपर्यंत मुंबईकरांना प्रशासनाच्या या निर्णयाचं पालन करावं लागणार आहे.