मुंबई: आता इमारतींच्या गच्चीवर होर्डिंग लावण्यास बंदी! काय आहे मुंबई महापालिकेचे नवे जाहिरात धोरण?

मार्गदर्शक तत्त्वांमध्ये नवीन बाबींचा समावेश

बृहन्मुंबई महानगरपालिका हद्दीतील जाहिरातींचे नियमन करण्याच्या अनुषंगाने बृहन्मुंबई महानगरपालिकेकडून 'जाहिरातीची मार्गदर्शक तत्त्वे-2025' (पॉलिसी गाईडलाइन्स फॉर डिस्प्ले ऑफ आऊटडोअर अॅडव्हर्टाइजमेंट) जाहीर करण्यात आली आहेत. मुंबई महानगरपालिकेने यापूर्वी जाहीर केलेल्या 'जाहिरातीची मार्गदर्शक तत्त्वे-2008' मध्ये सुधारणा करत 2025 मध्ये जारी केलेल्या मार्गदर्शक तत्त्वांमध्ये काही नवीन बाबींचा समावेश करण्यात आला आहे.

हे ही वाचा: मुंबईची खबर: 'या' मार्गिकेवर पहिल्यांदाच धावणार 15 डब्यांची लोकल... तसेच, मेट्रो-3 चा प्रवास होणार आणखी स्वस्त!

'या' मार्गदर्शक तत्त्वांनुसार खालील बाबी नमूद करण्यात आल्या आहेत. 

1. मुंबई आणि उपनगरात क्षेत्रात 40 बाय 40 पेक्षा अधिक आकारमानाच्या जाहिरातीच्या फलकास परवानगी दिली जाणार नाही. फूटपाथ तसेच इमारतीच्या गच्चीवर जाहिरातींचे होर्डिंग्ज लावण्यास कोणतीही परवानगी दिली जाणार नाही.

2. फ्लिकरिंग म्हणून लुकलुकणाऱ्या जाहिराती प्रदर्शित करण्यास सक्त मनाई असणार आहे. याशिवाय, पेट्रोल पंप, टोल प्लाझा, ट्रॅफिक सिग्नल यांसारख्या जोखमीच्या ठिकाणी 20 बाय 20 किंवा 30 बाय 20 आकाराचेच होर्डिंग्ज लावण्यासाठी परवानगी दिली जाणार आहे. 

3. तसेच, रात्री 11 वाजेनंतर डिजिटल होर्डिंग्ज बंद करणं सुद्धा बंधनकारक असणार आहे. डिजिटल होर्डिंग्जची प्रकाशमानता (ल्यूमिनन्स रेशिओ) 3:1 या गुणोत्तरापेक्षा अधिक ठेवता येणार नाही. 

हे ही वाचा: सफाई कामगारांना मासिक पाळीचे फोटोसह पुरावे मागितले, सुप्रीम कोर्टाने व्यक्त केला संताप, केंद्र सरकारला नोटीस

वाहतूक पोलिसांचं 'ना हरकत' प्रमाणपत्र

दरम्यान, या धोरणात पहिल्यांदाच एकेरी आणि पाठपोट फलकांसोबतच 'व्ही' आणि 'एल' आकार तसेच त्रिकोणी (ट्राय व्हिजन), चौकोनी (स्क्वेअर व्हिजन), पंचकोनी ( पेंटागॉन व्हिजन), षटकोनी स्वरुपाच्या (हेक्झागॉन व्हिजन) जाहिरात फलकांना यापुढे परवानगी दिली जाणार आहे. यासाठी वाहतूक पोलिसांचं 'ना हरकत' प्रमाणपत्र लागणार आहे.