मुंबईची खबर: 'या' मार्गिकेवर पहिल्यांदाच धावणार 15 डब्यांची लोकल... तसेच, मेट्रो-3 चा प्रवास होणार आणखी स्वस्त!
पश्चिम रेल्वेकडून प्रवाशांचा प्रवास अधिक सुखकर होण्याच्या दृष्टीने विरार ते डहाणू दरम्यान पहिल्यांदाच 15 डब्यांची लोकल ट्रेन चालवण्याची योजना आखण्यात आली आहे.
ADVERTISEMENT
बातम्या हायलाइट
'या' मार्गिकेवर पहिल्यांदाच धावणार 15 डब्यांची लोकल...
मेट्रो-3 चा प्रवास होणार आणखी स्वस्त!
Mumbai News: मुंबईतील रेल्वे प्रवाशांसाठी आनंदाची बातमी समोर आली आहे. पश्चिम रेल्वेकडून प्रवाशांचा प्रवास अधिक सुखकर होण्याच्या दृष्टीने विरार ते डहाणू दरम्यान पहिल्यांदाच 15 डब्यांची लोकल ट्रेन चालवण्याची योजना आखण्यात आली आहे. या मार्गावरील प्रवाशांची वाढती वर्दळ लक्षात घेता हा निर्णय घेण्यात आला आहे. यासंबंधी, ऑपरेटिंग विभागाने बोर्डाला एक पत्र पाठवल्याची माहिती आहे. या लेटरला मंजूरी मिळाल्यानंतर विरार ते डहाणू दरम्यान धावणारी 12 डब्यांची लोकल ट्रेन 15 डब्यांच्या ट्रेनमध्ये अपग्रेड केली जाईल. सुरुवातीला, सहा लोकल ट्रेन 15 डब्यांसह चालवल्या जातील. एक्सप्रेस गाड्यांसाठी नवीन वेळापत्रक 1 जानेवारी 2026 पासून आणि उपनगरीय गाड्यांसाठी मार्च किंवा एप्रिलपासून लागू केलं जाणार असल्याचं सांगण्यात येत आहे.
रेल्वेच्या नव्या वेळापत्रकात चर्चगेट आणि विरार दरम्यान, 10 ते 12 लोकल सेवा वाढवण्याची योजना आखण्यात आली आहे. मिळालेल्या माहितीनुसार, जानेवारी 2026 पर्यंत पश्चिम रेल्वेत एका नव्या एसी ट्रेनचा समावेश होऊ शकतो. या एसी लोकलमुळे 10 एसी ट्रेन सेवांमध्ये वाढ होणार आहे.
हे ही वाचा: Govt Job: सरकारी कंपनीत नोकरी हवीये? मग, MSTC च्या 'या' भरतीची संधी अजिबात सोडू नका! 14 लाखांचं पॅकेज...
चर्चगेट ते विरार दरम्यान रेल्वेच्या सेवेत वाढ
मेट्रो प्रवाशांसाठी सुद्धा एक चांगली बातमी आहे. मुंबई मेट्रो रेल कॉर्पोरेशन (MMRC) ने पहिल्यांदाच 'मेट्रो कनेक्ट-3' अॅपद्वारे मेट्रो-3 प्रवाशांसाठी सवलतीच्या दरात मासिक पासची सुविधा सुरू केली आहे. ज्यामुळे दैनंदिन प्रवाशांचा खर्च कमी होणार असल्याचं सांगितलं जात आहे. नवीन योजनेअंतर्गत, 60 ट्रिप पासवर 15 टक्के आणि 45 ट्रिप पासवर 10 टक्के सूट दिली जाईल. कामावर किंवा ऑफिसला जाण्यासाठी दैनंदिन प्रवासासाठी मेट्रोने प्रवास करणाऱ्या नागरिकांसाठी ही ऑफर फायदेशीर ठरणार आहे.
हे ही वाचा: पुणे: 'स्पर्धा परीक्षांच्या अभ्यासाचं दडपण...' पुण्यात MPSC ची तयारी करणाऱ्या तरुणाने संपवलं आयुष्य! राहत्या घरीच...
मेट्रो-3 चा प्रवास होणार स्वस्त
मेट्रो-3 ने दररोज जवळपास 1.5 लाख प्रवासी प्रवास करतात. अशातच, या योजनेमुळे मोठ्या प्रमाणात प्रवाशांना आर्थिक दिलासा मिळेल आणि अधिकाधिक लोकांना मेट्रोने प्रवास करण्यासाठी प्रोत्साहित केलं जाईल.
हे वाचलं का?
