पुणे: 'स्पर्धा परीक्षांच्या अभ्यासाचं दडपण...' पुण्यात MPSC ची तयारी करणाऱ्या तरुणाने संपवलं आयुष्य! राहत्या घरीच...
पुण्यात एका 26 वर्षीय एमपीएससी या स्पर्धा परीक्षेची तयारी करणाऱ्या तरुणाने आत्महत्या केल्याची धक्कादायक बातमी समोर आली आहे.
ADVERTISEMENT

बातम्या हायलाइट
स्पर्धा परीक्षांच्या अभ्यासाच्या दडपणातून टोकाचं पाऊल
पुण्यात MPSC ची तयारी करणाऱ्या तरुणाने संपवलं आयुष्य!
राहत्या घरी गळफास घेतला अन्...
Pune Suicide Case: पुण्यात एका 26 वर्षीय एमपीएससी या स्पर्धा परीक्षेची तयारी करणाऱ्या तरुणाने आत्महत्या केल्याची धक्कादायक बातमी समोर आली आहे. संबंधित घटना ही पुण्यातील नवी पेठ परिसरात घडली असून मृत तरुणाचं नाव सागर पवार असल्याची माहिती आहे. सागर MPSC परीक्षेच्या तयारीसाठी पुण्यातील PG मध्ये राहत होता. 28 नोव्हेंबर रोजी सकाळी 8 वाजताच्या सुमारास पीडित तरुणाने गळफास घेत आयुष्य संपवल्याचं वृत्त आहे. दरम्यान, पोलिसांना माहिती मिळताच ते घटनास्थळी पोहोचले आण प्रकरणाचा पुढील तपास सुरू असल्याचं सांगितलं जात आहे.
सागर पवार हा मुळचा बुलढाणा जिल्ह्यातील रहिवासी असून तो स्पर्धा परीक्षांची तयारी करण्यासाठी तीन ते चार वर्षांपासून पुण्यात राहत होता. तो पुण्यातील नवी पेठ परिसरात मित्रांसोबत पेइंग गेस्ट म्हणून राहत होता.
खोलीला आतून लॉक लावून आत्महत्या
मिळालेल्या माहितीनुसार, खोलीला आतून लॉक लावून आत्महत्या केली आहे. 28 नोव्हेंबर रोजी खोलीत त्याचा मृतदेह सापडला. घटनेच्या दिवशी, दुपारच्या सुमारास सागरच्या खोलीचा दरवाजा आतून बंद असल्याचं त्याच्या मित्रांना समजलं. त्यावेळी, तरुणाच्या मित्राने त्याला खूप वेळा आवाज दिला. मात्र, त्यावर सागरचा काहीच प्रतिसाद मिळाला नाही. त्याक्षणी परिस्थितीचं गांभीर्य लक्षात घेऊन सागरच्या मित्रांनी पोलिसांना याबद्दल कळवलं.
हे ही वाचा: लिव्ह-इन-पार्टनरसोबत दारू प्यायला बसला अन् अचानक वाद पेटला! गाडीतच महिलेसोबत भयंकर कृत्य...
कोणतीच सुसाइड नोट सापडली नाही
दरवाजा आतून बंद असल्याकारणाने तो तोडण्यात आला आणि आतमध्ये सागरचा मृतदेह आढळला. त्यावेळी, घटनास्थळी धाव घेतलेल्या पोलिसांनी तरुणाचा मृतदेह ताब्यात घेतला. त्यानंतर, पोलिसांनी त्याच्या खोलीची तपासणी केली. परंतु, मृतदेहाजवळ कोणतीच सुसाइड नोट सापडली नाही. सागरने एमपीसीएसी परीक्षेचा अभ्यास करत असताना वाढलेल्या दबावातून आणि नैराश्यातून त्याने आत्महत्या केल्याचा पोलिसांनी प्राथमिक अंदाज वर्तवला आहे.










