“मुलगा बीडचा आहे, लग्न करू नको..” तरुणाने तिला संपवलं, घराला लॉक लावून त्यानं ट्रेनखाली जीव दिला, घटनेनं पुणे हादरलं

हे ही वाचा : भंडाऱ्यात भाजप महिला उमेदवाराकडून छत्रपती शिवाजी महाराजांचा अवमान, गळ्यात भाजपचा दुपट्टा अन् जिरेटोपवर...

पुण्यातील घटनेचा थरार काय? 

दिव्या संतोष निगोट (वय 24,) असे हत्या झालेल्या तरुणीचे नाव आहे. तर गणेश काळे (वय 28) या प्रियकराने आत्महत्या केली. ही घटना 29 नोव्हेंबर रोजी सकाळी 11 ते दुपारी 4 या वेळेत घडल्याचे समोर आले आहे. दोघांचे मृतदेह त्यांच्या आई-वडिलांच्या ताब्यात देण्यात आले.

तरुणीच्या वडिलांचा विवाहाला विरोध

घटनेविषयी अधिक माहिती अशी, दिव्या निगोट आणि गणेश काळे हे दोघे एकाच लॅबमध्ये काम करत होते. त्यातून त्यांचे प्रेमसंबंध निर्माण झाले. काही काळ ते रिलेशनशिपमध्ये होते आणि त्यांनी लग्नाचा निर्णय घेतला. परंतु तरुणीच्या वडिलांनी या विवाहाला विरोध केला. “मुलगा बीडचा आहे, लग्न करू नको” असे सांगून त्यांनी ठाम नकार दिला. त्यामुळे तरुणीनेही लग्नाला नकार दिला.

तरुणीला रुमवर नेले आणि हत्या केली

यावरून दोघांमध्ये वादही झाले. मात्र शेवटी दोघांनी समजुतीने शेवटच्या भेटीला तयार झाले. माहितीप्रमाणे दोघे सकाळी 11 वाजता लॅबमधून निघाले आणि तरुणाच्या संगमवाडी येथील रूमवर गेले. तिथे तरुणाने प्रेयसीची हत्या केली. दुपारी सुमारे 3 वाजता तो घरातून बाहेर पडला, घराला लॉक लावले आणि तळेगाव दाभाडे रेल्वे स्थानकावर जाऊन ट्रेनखाली येत आत्महत्या केली.

हे ही वाचा : मैत्रिणीच्या वाढदिवसाला गेली अल्पवयीन मुलगी, दोघांमध्ये जागा झाला हैवान, पार्टीतच तिच्यावर नको तेच...

पोलिसांनी घटनास्थळी पाहणी केली असता मुलीच्या नाकावर आणि उजव्या गालावर जखमा दिसल्या. तसेच तिच्या तोंडातून फेस येत होता. त्यामुळे तिला विष दिल्याचा प्राथमिक संशय व्यक्त करण्यात आला आहे, या प्रकरणाचा पुढील तपास पोलीस करत आहेत.