पुण्यातील बुधवार पेठेत वेश्या व्यवसायाच्या नावाखाली सुरू होतं भलतंच...

हेही वाचा : आधी पतीला भेटली, नंतर OYO हॉटेलमध्ये भलत्याच पुरुषासोबत गेली; पण दिराने सगळा खेळच...

वेश्यव्यवसायाच्या नावाखाली पुण्यात ड्रग्स रॅकेट 

पुण्याच्या बुधवारपेठेत आक्का या नावाने ओळखली जाणारी एक महिला सेक्स वर्कर ग्राहकांना मेफेड्रोन पुरवत असल्याचे आढळून आलं, यामुळे तिला अटक करण्यात आली आहे. दरम्यान आरोपीचे नाव ज्योती सुनील यादव उर्फ कट्टीमणी (वय 50) असून ती महिला कात्रजची रहिवासी आहे. 

या प्रकरणात आता पोलिसांनी तपास केला असता, ती तिच्या भावासोबत मिळून संपूर्ण रॅकेट चालवत होती, अशी माहिती आता समोर आली आहे. मेफेड्रोनच्या अवैध विक्री प्रकरणात पोलिसांनी शरणप्पा कट्टीमणीला गुलबर्गा कर्नाटक येथून अटक केली आहे. 

शरणप्पाकडे अंदाजे 12.12 लाख रुपयांचे 59 ग्रॅम एमडी आढळले. चौकशीच्यादरम्यान, त्याने याबाबत कबूली दिली आहे. हे ड्रग्ज त्याच्या बहिणीनेच म्हणजेच ज्योती यादवने पुरवले होते. 

हेही वाचा : पुरोगामी महाराष्ट्र हादरला; धार्मिक संस्थेत विद्यार्थ्याला शॉक देऊन जीवं मारलं, कारण ऐकून अंगावर येईल काटा

या प्रकरणात पोलीस आयुक्त अमितेश कुमार, सहआयुक्त रंजनकुमार शर्मा, अतिरिक्त पोलीस अधीक्षक पंकज देशमुख, डीसीपी निखिल पिंगळे यांच्या आदेशानुसार आरोपींना अटक करण्यात आली आहे.