हे ही वाचा : शिक्षिकेची स्वयंपाकघरात गळा चिरुन हत्या; माजी भाजप प्रवक्ता ताब्यात, सुरुवातीच्या तपासानंतर वेगळाच ट्विस्ट

पोलिसांनी दिलेल्या माहितीनुसार आणि एमआयटी कॉलेजच्या महिला सुरक्षारक्षक अनिता विनायक साखरे (वय  41) यांनी दिलेल्या फिर्यादीनुसार, ही घटना 24 जानेवारी 2026 रोजी सकाळी उघडकीस आली. अंकिता शिंदे ही मूळची लातूर जिल्ह्यातील असून ती शिक्षणासाठी एमआयटी कॉलेजच्या वसतिगृहात राहत होती.वसतिगृहातील ब्लॉक नंबर 106 मधील 32 नंबरच्या खोलीत ती राहत होती.

दुसऱ्या विद्यार्थिनीने दिली 'ही' माहिती

सकाळी 8.30  वाजण्याच्या सुमारास वसतिगृहातील दुसरी विद्यार्थिनी भाग्यश्री सूर्यवंशी हिने सुरक्षारक्षक अनिता साखरे यांना सांगितले की, 'काल रात्री 12 वाजल्यापासून अंकिता तिच्या आईचा फोन उचलत नाहीये आणि ती खोलीत एकटीच आहे.' या माहितीवरून साखरे यांनी तात्काळ अंकिताच्या खोलीकडे धाव घेतली. सुरक्षारक्षकांनी दरवाजा वाजवला, मात्र आतून कोणताही प्रतिसाद मिळाला नाही.वदरवाजा आतून बंद असल्याने त्यांनी खिडकीतून पाहण्याचा प्रयत्न केला असता खिडकीला पडदे लावलेले होते. अखेर खिडकीची लॅच (कडी) तोडून आत डोकावले असता, अंकिताने खोलीतील सिलिंग फॅनला पांढऱ्या रंगाच्या नायलॉन दोरीने गळफास घेतल्याचे निदर्शनास आले.

हे ही वाचा : मुंबई : लोकल ट्रेनमध्ये वादावादी, खाली उतरताना प्राध्यापकाच्या पोटात चाकू खुपसला; उपचारादरम्यान मृत्यू

आत्महत्येचे कारण अद्याप अस्पष्ट

घटनेची माहिती मिळताच सुरक्षारक्षकांनी कॉलेजचे सुपरवायझर लवळे यांना कळवले आणि त्यानंतर बार्शी तालुका पोलीस ठाण्यात खबर दिली. अंकिताने आत्महत्या का केली, याचे कारण अद्याप अस्पष्ट असून 'अज्ञात कारणावरून' तिने हे पाऊल उचलल्याचे प्राथमिक तपासात नोंदवण्यात आले आहे. याप्रकरणी बार्शी तालुका पोलीस ठाण्यात अकस्मात मृत्यूची नोंद करण्यात आली असून, पुढील तपास सहाय्यक पोलीस उपनिरीक्षक दत्तात्रय भालेराव आणि पोलीस उपनिरीक्षक दिलीप ढेरे करत आहेत.