बीड : अपघातानंतर मुलगा ब्रेन डेड झाला, बापाचा काळजावर दगड ठेऊन मोठा निर्णय, अनेकांना देणार जीवनदान!

बीड तालुक्यातील राक्षसभुवन येथील रमेश गाडे यांचा मुलगा संग्राम गाडे याचा काही दिवसांपूर्वी पुणे जिल्ह्यातील जेजुरी येथे अपघात झाला होता... अपघातानंतर संग्राम याला पुणे येथीलच खासगी रुग्णालयात दाखल करण्यात आले होते. परंतु डोक्याला गंभीर इजा झाल्याने त्याच्यावर शस्त्रक्रिया करण्यात आली. यानंतर तेथील डॉक्टरांनी तो ब्रेन डेड असल्याचे पालकांना सांगितले. दरम्यान, संग्राम याला बीडच्या जिल्हा रुग्णालयात दाखल करण्यात आले होते... या ठिकाणी असलेल्या डॉक्टरांनी त्याच्या पालकांशी संवाद साधत संग्राम याचे अवयव दान केल्यास काही रुग्णांना जीवदान मिळू शकेल असे सांगितले. यानंतर संग्रामचे वडील  रमेश गाडेंनी व त्यांच्या पत्नी, कुटुंबाने दाखवलेला मनाचा मोठेपणा अनेकांच्या कुटुंबातील सदस्यांना जीवनदान ठरणारा आहे.

हेही वाचा : पॅरोलवर बाहेर आला अन् भररस्त्यात बायकोवर केला गोळीबार, बायकोवर कशाचा राग होता?

"परवा माझ्या मुलाचा अपघात झाल्याची घटना घडली. त्यामध्ये आम्ही त्याच्या मेंदूचे ऑपरेशन केले मात्र उपयोग झाला नाही .. यानंतर आम्ही सर्वांनी मिळून अवयव दानाचा निर्णय घेतला.. त्याचे शरीर कोणाच्या तरी कामाला यावे. मी माझ्या काळजावर दगड ठेवून हा निर्णय घेत आहे... मातीत मिसळणार शरीर मी कुणाच्या तरी कामाला येईल यासाठी हा निर्णय घेतला आहे... माझ्या मुलाच्या रूपाने कुणाला तरी दृष्टी मिळेल आणि तो मी उद्या पाहणार आहे.. डॉक्टरांनी विचारल्यानंतर मी त्यांना सांगितले की माझ्या मुलाचे डोळेच नाही तर पूर्ण शरीरच मी देत आहे. त्यामुळे मी माझ्या मुलाचे पूर्ण शरीर दिले आहे आणि मी हे शरीर दान करीत आहे", असं संग्राम गाडेचे वडील म्हणाले. 

संग्राम रमेश गाडे या तरुणाचा जेजुरी येथे 5 मार्च रोजी अपघात झाला होता. त्यानंतर त्यांनी प्राथमिक उपचार जेजुरी येथे केले त्यानंतर सह्याद्री हॉस्पिटल येथे ते घेऊन गेले.  संग्रामचा मेंदू काम करत नाही, असं डॉक्टरांकडून सांगण्यात आलं. त्यानंतर त्यांनी थेट बीडच्या जिल्हा रुग्णालयात त्याला हलवले...  त्या ठिकाणी डॉक्टरांना भेटले डॉक्टरांनी तपासणी केली आता त्यांनी वडिलांना विचारले की तुमच्या मुलाचे दोन डोळे दान करू शकता का?  त्यावेळेस वडिलांनी मुलाचे दोन डोळेच काय शरीर देखील घ्या, असे म्हणत डॉक्टरांना होकार दिला.  पूर्ण अवयव दान रमेश गाडे यांनी केले आहे.. त्यामुळे दुसऱ्याच्या उपयोगाला येणारे अनेक अवयव त्याच्या शरीरामध्ये आहेत, त्यामुळे त्याचा उपयोग इतर रुग्णांना होईल.

इतर महत्त्वाच्या बातम्या 

विद्यार्थिनीला उचलून घेत मुख्याध्यापकाचा अश्लील गाण्यांवर डान्स, शिक्षक बघत बसले; जिल्हाधिकाऱ्यांचे चौकशीचे आदेश