असे असेल वेळापत्रक

या विशेष ट्रेनचे वेळापत्रक प्रवाशांच्या सोयीनुसार निश्चित करण्यात आले आहे. गाडी क्र. 0119 (डाऊन) लोकमान्य टिळक टर्मिनस (LTT) वरून दर रविवारी मध्यरात्री 12:55 वाजता सुटेल आणि दुसऱ्या दिवशी दुपारी मडगावला पोहोचेल. परतीच्या प्रवासासाठी, गाडी क्र. 01120 (अप) मडगाव स्थानकावरून दर शुक्रवारी सायंकाळी 4 वाजता सुटेल आणि दुसऱ्या दिवशी पहाटे 3:30 वाजता मुंबईत (LTT) दाखल होईल. या वेळापत्रकामुळे नोकरदार आणि पर्यटकांना त्यांच्या सहलीचे नियोजन करणे सोपे जाणार आहे.

हे ही वाचा : नांदेडमधील 'तलवार बाबा'ला पोलिसांनी उचललं, महिला अन् लहान मुलांना कसं गंडवायचा? कारनामे उघड

याठिकाणी असेल थांबा

प्रवाशांच्या सुविधेसाठी ही गाडी कोकणातील आणि गोव्यातील महत्त्वाच्या स्थानकांवर थांबा घेणार आहे. यामध्ये ठाणे, पनवेल, पेण, रोहा, माणगाव, चिपळूण, संगमेश्वर, रत्नागिरी, राजापूर रोड, वैभववाडी, कणकवली, सिंधुदुर्ग, कुडाळ, सावंतवाडी आणि करमाळी या स्थानकांचा समावेश आहे. या प्रमुख थांब्यांमुळे कोकणातील विविध भागांत जाणाऱ्या प्रवाशांना मोठा आधार मिळणार असून, रेल्वेच्या या निर्णयाचे सर्व स्तरांतून स्वागत होत आहे.

हे ही वाचा : Govt Jobs : सरकारी नोकरीचे स्वप्न होणार पूर्ण! BSNL मध्ये इंजिनिअर्ससाठी मोठी संधी; जाणून घ्या सविस्तर

डब्यांची रचना कशी असले?

प्रवासाचा अनुभव सुखकर व्हावा यासाठी या ट्रेनमध्ये डब्यांची रचना अतिशय उत्तम ठेवण्यात आली आहे. या विशेष गाडीला एकूण 20 डबे जोडण्यात आले असून, यामध्ये 2 एसी टू टियर, 8 एसी थ्री टियर, 4 स्लीपर कोच आणि 6 जनरल कोचचा समावेश आहे. तसेच सुरक्षेसाठी 2 जनरेटर कार देखील असणार आहेत. सर्व स्तरांतील प्रवाशांचा विचार करून ही कोच रचना करण्यात आल्याने ऐन उन्हाळ्यात प्रवाशांचा प्रवास थंडगार आणि आरामदायी होणार आहे.