हे ही वाचा : मोठ्या भावाचा कुऱ्हाडीने खून केला अन् मृतदेह घरातच गाडला; सरकारी शाळेतील शिक्षकाचे भयंकर कृत्य

नागरिकाच्या जागरुकतेमुळे घटनेचा उलगडा

एका सतर्क नागरिकाच्या जागरुकतेमुळे या भीषण घटनेचा उलगडा झाला. संबंधित कुटुंब एका ऑटो-रिक्षातून गादीमध्ये काहीतरी संशयास्पद वस्तू गुंडाळून कन्नडच्या दिशेने घेऊन जात होते. त्यांची हालचाल संशयास्पद वाटल्याने एका नागरिकाने तातडीने 112 वर कॉल करून पोलिसांना माहिती दिली. माहिती मिळताच पोलिसांनी गांभीर्याने दखल घेत तिसगाव चौफुली येथे नाकाबंदी केली आणि संशयास्पद रिक्षा अडवून त्याची झडती घेतली.

'अंत्यविधीसाठी  तिचा मृतदेह नेत आहोत'

पोलिसांनी रिक्षातील गादी उघडून पाहिली असता, त्यात एका तरुणीचा मृतदेह पाहून अधिकारीही चक्रावून गेले. प्राथमिक चौकशीत सावत्र आई-वडिलांनी अजब दावा केला आहे. 'मुलीने गळफास घेऊन आत्महत्या केली असून, अंत्यविधी करण्यासाठी आम्ही तिचा मृतदेह गावी घेऊन जात आहोत,' असे त्यांनी पोलिसांना सांगितले. मात्र, मृत्यूची माहिती पोलिसांना न देता अशा प्रकारे मृतदेह लपवून नेल्यामुळे पोलिसांचा संशय बळावला आहे. हा प्रकार आत्महत्या आहे की घातपात, याचा शोध आता पोलीस घेत आहेत.

हे ही वाचा : 'माझ्या मृत्युनंतर तिची काळजी कोण घेणार?' ISRO च्या निवृत्त कर्मचाऱ्याने बायकोला संपवलं

पोलिसांचं म्हणणं काय?

वाळूज पोलिसांनी मृतदेह ताब्यात घेऊन पोस्ट मार्टमसाठी रुग्णालयात पाठवला आहे. पोस्ट मार्टमचा अहवाल प्राप्त झाल्यानंतरच तरुणीच्या मृत्यूचे नेमके कारण स्पष्ट होईल, असे पोलिसांनी सांगितले आहे. दरम्यान, या घटनेमुळे वाळूज परिसरात उलटसुलट चर्चांना उधाण आले असून, पोलिसांनी गुन्हा दाखल करण्याची प्रक्रिया सुरू केली आहे.