बँकिंग क्षेत्रातील 23 वर्षांच्या नोकरीनंतर अमृता फडणवीस यांचा राजीनामा, मुख्यमंत्र्यांच्या पत्नीची पोस्ट तुफान व्हायरल

खरं तर, 23 वर्षांपूर्वी, अमृता फडणवीस या अॅक्सिस बँकेत मॅनेजमेंट ट्रेनी म्हणून रुजू झाल्या होत्या आणि आज त्या वरिष्ठ उपाध्यक्ष म्हणजेच सीनिअर व्हाइस प्रेसिडेंट पदाचा राजीनामा दिला आहे. त्यांनी ही पोस्ट करताना त्यांचे बँकेतील सहकारी तसेच बँकेचे एमडी, सीईओ अमिताभ चौधरी यांचेही आभार मानले. 

हे ही वाचा: राज ठाकरेंनी एकनाथ शिंदेंची भेट घेताच उद्धव ठाकरे मोठा निर्णय घेण्याच्या तयारीत! ठाकरे बंधूंच्या युतीत मिठाचा खडा?

अमृता फडणवीस यांची पोस्ट जशीच्या तशी 

"23 वर्षांपूर्वी, मी एक यंग मॅनेजमेंट ट्रेनी म्हणजेच व्यवस्थापन प्रशिक्षणार्थी म्हणून अॅक्सिस बँकेत रुजू झाले होते. आज, मी कृतज्ञतेने भरलेल्या अंतःकरणाने वरिष्ठ उपाध्यक्ष म्हणून निवृत्त होत आहे. ब्रांच म्हणजेच शाखा कामकाजापासून कॉर्पोरेट बँकिंगपर्यंत, ट्रेजरीपासून कस्टमर रिलेशन ग्राहक संबंधांपर्यंतच्या अनुभवामुळे, ही संस्था माझं कुटुंब, शिक्षक आणि दुसरं घर राहिली आहे."

"बँकेतील माझे सहकारी आणि लीडर्स, विशेषतः एमडी आणि सीईओ अमिताभ चौधरी यांचा, सर्व पाठिंब्याबद्दल आभारी आहे. हा सुंदर अध्याय संपत असताना, मी आयुष्यभराचे धडे आणि मैत्री घेऊन जात आहे. 

धन्यवाद, अॅक्सिस बँक"