अशी नोंदवा तक्रार

तक्रार नोंदणीची प्रक्रिया अत्यंत सोपी करण्यात आली आहे. नागरिकांना व्हॉट्सॲपवर चॅट सुरू करून समस्येचे छायाचित्र आणि ठिकाणाची (लोकेशन) माहिती पाठवावी लागेल. एआय सहाय्यक ही माहिती तपासून संबंधित जबाबदार अधिकाऱ्याची ओळख पटवेल. माहितीची पडताळणी झाल्यावर एक युनिक तक्रार क्रमांक आणि समस्येचा संक्षिप्त तपशील तयार केला जाईल, ज्याद्वारे तक्रारीच्या प्रगतीवर लक्ष ठेवता येईल. 

हे ही वाचा : "मी भारतीय नागरीक आहे अन् राहणार", ध्रुव राठीने पासपोर्ट दाखवत शेअर केला VIDEO

चॅटबॉटची वैशिष्ट्ये काय?

नागरिकांना तक्रारीच्या प्रत्येक टप्प्याची माहिती मिळणे ही याची प्रमुख वैशिष्ट्ये आहेत. तक्रार नोंदणी, संबंधित विभागाकडे हस्तांतरण, काम सुरू होणे आणि अंतिम निवारण अशा सर्व टप्प्यांचे अपडेट्स नागरिकांना दिले जातील. काम पूर्ण झाल्यावर कामापूर्वीचे आणि नंतरचे छायाचित्र (Before-and-after photographs) पाठवून कामाची शहानिशा करण्याची संधी नागरिकांना मिळेल.  काही महिन्यांच्या चाचण्यांनंतर हा चॅटबॉट सुरू करण्यात आला आहे. 

हे ही वाचा : यूट्यूबर ध्रुव राठीची मध्यरात्री सुटका, जंतर-मंतरवर आल्यास ..पोलिसांचा 'तो' इशारा

तक्रारींचे जलद गतीने निवारण

यामुळे नागरिकांना वारंवार पाठपुरावा करण्याची गरज भासणार नाही आणि महापालिका विभाग व रहिवाशांमधील संवाद अधिक मजबूत होईल. तक्रारींचे निवारण जलद गतीने होण्यास मदत होणार असली, तरी या प्रणालीचे अंतिम यश हे पालिका अधिकाऱ्यांची वेळेवर होणारी कारवाई, नियमित अपडेट्स आणि तक्रारींचे समाधानकारक निवारण यावरच अवलंबून असणार आहे.