Maharashtra Weather : राज्यातील 'हे' जिल्हे होरपळणार, 'या' भागांना उन्हाचा चटका

हे ही वाचा : नानांसोबतची 'ती' इच्छा अपूर्णच.. रितेश देशमुखची भावनिक पोस्ट

कोकण 

कोकणातील पालघर, ठाणे, रायगड आणि मुंबईत काही ठिकाणी उष्णतेचा अंदाज आहे. रत्नागिरी आणि सिंधुदुर्गात दुपारनंतर किंवा सायंकाळी हलका ते मध्यम पावसाची शक्यता वर्तविली आहे. अशातच काही ठिकाणी उष्णतेचा यलो अलर्टचा अंदाज वर्तविलेला आहे. 

उत्तर महाराष्ट्र 

उत्तर महाराष्ट्रात धुळे, नंदुरबार, जळगाव, नाशिक, नाशिक घाटमाथा परिसर आणि अहिल्यानगरमध्ये कोरड्या हवामानाची शक्यता आहे. नाशिक येथील तापमान हे 21 ते 37 अंश सेल्सिअस दरम्यान राहण्याची शक्यता आहे.

पश्चिम महाराष्ट्र 

पश्चिम महाराष्ट्रात पुणे, पुणे घाटमाथा परिसरात हवामान कोरडे राहिल अशी शक्यता आहे. कोल्हापूर, कोल्हापूर घाटमाथा, सातारा घाटमाथा आणि सांगलीत काही भागांत हलका ते मध्यम स्वरुपाच्या पावसाची शक्यता आहे. सातारा आणि सोलापूरमध्ये काही भागात हलक्या पावसाची नोंद आहे. 

मराठवाडा 

मराठवाड्यात छत्रपती संभाजीनगर, जालना, परभणी, बीड, हिंगोली, नांदेड, लातूर आणि धाराशिव या सर्वच जिल्ह्यांत कोरड्या हवामानाची स्थिती असणार आहे. 

हे ही वाचा : हिंगोली हादरलं! ड्युटीवर असणाऱ्या इंडियन ऑइलच्या अधिकाऱ्याची निर्घृपणे हत्या

विदर्भ 

अकोला, अमरावती, बुलढाणा, वाशिम, यवतमाळ, नागपूर, वर्धा, भंडारा, गोंदिया, चंद्रपूर आणि गडचिरोली या सर्वच जिल्ह्यांना हवामान विभागाने कोणताही अंदाज वर्तविलेला नाही.