राजधानी दिल्लीत स्फोट, प्रत्यक्षदर्शींनी सांगितला घटनेचा थरार, म्हणाले, 'मी असा स्फोट उभ्या आयुष्यात कधीच...'

हे ही वाचा : राजधानी दिल्ली हादरली.. लाल किल्ल्याजवळील भीषण स्फोटात तब्बल 8 जणांचा मृत्यू, मुंबईत हायअलर्ट जारी

स्फोटात 8 जणांचा मृत्यू 

या स्फोटाने धुराचे लोट पसरले असून 8 लोकांनी आपला जीव गमावला आहे. मृतांच्या संख्येत आणखी वाढ होण्याची शक्यता आहे. लाल किल्ला मेट्रो स्टेशनच्या गेट क्रमांक 1 जवळ हा स्फोट झाल्याचे वृत्त आहे. घटनास्थळी उपस्थितांनी सांगितलं की, स्फोट इतका भीषण होता की, ज्यात इमारतींच्या खिडक्यांच्या काचा फुटल्या आहेत. मी जेव्हा दुकानात बसलो होतो तेव्हा अचानकपणे इतका मोठा स्फोट झाला की, मी खुर्चीवरून खाली कोसळलो. माझ्या आय़ुष्यात इतका मोठा स्फोट कधीच अनुभवला नव्हता.  

प्रत्यक्षदर्शीने सांगितला घटनेचा थरार

दुसऱ्या एका प्रत्यक्षदर्शीने सांगितलं की, राजधर पांडे म्हणाले की, 'ते घरी होते आणि जेव्हा ते छतावर गेले तेव्हा त्यांना आकाशात आगडोंब उसळलेला पाहिला. आग भीषण असल्याने सर्वत्र एकच गोंधळ उडाला

हे ही वाचा : शाळा, कुस्ती मैदान ते भाजी मार्केट अशोक चव्हाणांचा नांदेडमध्ये मोठा जमीन घोटाळा, शिंदेंच्या आमदाराचे सनसनाटी आरोप

स्फोटामागचं कारण काय? 

दरम्यान, आगीत होरपळून गेलेल्या जखमींना एलएनजेपी रुग्णालयात नेण्यात आले, जिथे त्यांच्यावर उपचार सुरु आहेत. रुग्णालयाच्या अधिकाऱ्यांनी सांगितलं की, जखमींपैकी अनेकांची प्रकृती ही चिंताजनक आहे. अग्निशमन दलाच्या आणि पोलिसांची अनेक पथके घटनास्थळी दाखल झाली आहेत. परिसर सील करण्यात आला असून दिल्लीत हाय अलर्ट जारी करण्यात आला आहे. हा स्फोट नेमका कसा झाला? याचा  तपास यंत्रणा शोध घेत आहेत.