Shefali Jariwala: 'तिच्यासमोरच' त्याने केलेली मृत्यूची भविष्यवाणी, 'तो' Video प्रचंड व्हायरल!

शेफालीच्या मृत्यूबद्दल पारस छाब्राने काय केलेली भविष्यवाणी?

ऑगस्ट 2024 मध्ये, शेफाली ही पारस छाब्राचा पॉडकास्ट, आबरा का डाबरा शोमध्ये दिसली होती. ते दोघेही यापूर्वी 'बिग बॉस 13' या रिअॅलिटी शोमध्ये एकत्र दिसले होते. एपिसोड दरम्यान, पारसने तिच्या कुंडलीबद्दल एक धक्कादायक ज्योतिषीय खुलासा केला होता. त्यावेळी त्याने म्हटले होते की, 'तुमच्या आठव्या घरात चंद्र, बुध आणि केतू बसले आहेत. चंद्र आणि केतूचे संयोजन सर्वात वाईट आहे. आठवे घर नुकसान, अचानक मृत्यू, लपलेले रहस्य, प्रसिद्धी गमावण्याशी संबंधित गोष्टी देखील दर्शवते. चंद्र आणि केतू तुमच्यासाठी वाईट आहेत आणि बुध त्याच्यासोबत बसला आहे. ते चिंता आणि न्यूरोलॉजिकल समस्या दर्शवते.' असं त्याने म्हटलं होतं.

पारस छाब्रा आणि शेफाली जरीवालाचे नाते

पॉडकास्टमध्ये, शेफालीने हे देखील सांगितलं होतं की, आकडी (Epilepsy) येण्याचा त्रास असल्याचं असल्याचे सांगितले होते. तिने सांगितले होते की, तिला वयाच्या 15व्या वर्षी, जेव्हा ती दहावीत होती, तेव्हा तिला पहिल्यांदा फिट आली होती. तथापि, सततच्या वैद्यकीय उपचारांमुळे आणि जीवनशैलीतील काही बदलांमुळे तिच्या प्रकृतीत सुधारणा झाली.

पारस हा जरीवालाचा पती पराग त्यागी याचा जवळचा मित्र आहे आणि बिग बॉस 13 मध्ये तो तिला अनेकदा 'भाभी' म्हणून हाक मारत असे. शेफालीच्या मृत्यूची बातमी आल्यानंतर, पारसने तिच्या निधनाबद्दल शोक व्यक्त करण्यासाठी त्याच्या इंस्टाग्रामवर एक स्टोरी पोस्ट केली. त्याने लिहिले, 'किसकी जिंदगी कितनी लिखी है, कोई नहीं जानते। ओम शांती.'

शेफालीला कशी मिळालेली प्रसिद्धी? 

शेफालीने 'कांटा लगा' या म्युझिक व्हिडिओमधून नाव कमावले होते. ज्यामुळे तिला 'कांटा लगा गर्ल' अशी ओळख मिळाली होती. याशिवाय, शेफाली 2004 मध्ये सलमान खान, अक्षय कुमार आणि प्रियांका चोप्रा अभिनीत 'मुझसे शादी करोगी' या चित्रपटात देखील दिसली होती.