डोंबिवलीतील कुख्यात रील स्टारचा काळा कारनामा उघड,12 वर्षांपूर्वीच्या खून प्रकरणाचा उलगडा

खून केल्यानंतर पुरावे नष्ट करण्याच्या उद्देशाने आरोपींनी मृतदेह कारमध्ये टाकून मुरबाड येथील बारवी धरणाजवळील जंगल परिसरात नेऊन विल्हेवाट लावली. त्या काळात मुरबाड पोलिसांना सापडलेल्या अनोळखी मृतदेहाची नोंद आणि नव्याने मिळालेल्या धागेदोऱ्यांची सांगड घालत कल्याण गुन्हे शाखेने या प्रकरणाचा उलगडा केला. गुन्हे शाखा घटक-03 च्या पथकाला मिळालेल्या गुप्त माहितीच्या आधारे एका संशयिताला ताब्यात घेण्यात आले होते. सहायक पोलीस आयुक्त शेखर बागडे यांच्या मार्गदर्शनाखाली सखोल चौकशी केली असता आरोपींनी गुन्ह्याची कबुली दिली.

हेही वाचा : क्रूरतेचा कळस, 12 वर्षीय मुलावर सामूहिक बलात्कार, गुप्तांगात रॉड टाकून केली मारहाण; शहर हादरलं

या प्रकरणात अपहरण, खून आणि पुरावे नष्ट करणे अशा गंभीर कलमांचा समावेश करण्यात आला असून न्यायालयाने तिन्ही आरोपींना 2 मे 2026 पर्यंत पोलीस कोठडी सुनावली आहे. खूनासाठी वापरण्यात आलेला लोखंडी रॉड पोलिसांनी जप्त केला असून पुढील तपास सहायक पोलिस निरीक्षक सर्जेराव पाटील करत आहेत.

दरम्यान, सुरेंद्र पाटीलच्या अटकेनंतर त्याच्या गुन्हेगारी पार्श्वभूमीचे धक्कादायक तपशील समोर आले आहेत. काही दिवसांपूर्वी कल्याण गुन्हे शाखा आणि मानपाडा पोलिसांनी संयुक्त कारवाई करत त्याच्या घरावर टाकलेल्या छाप्यात तब्बल 7 पिस्तुले, 370 जिवंत काडतुसे, दोन एअर गन तसेच तलवार, चॉपर आणि चाकू असा मोठा शस्त्रसाठा जप्त करण्यात आला.

याआधीही सुरेंद्र पाटील याच्यावर हत्यार बाळगणे, बलात्कार, खंडणी यांसारखे गंभीर गुन्हे दाखल असून पोलिसांच्या खुर्चीवर बसून रील बनवल्याचाही प्रकार समोर आला होता. एकूण सुमारे 12 गुन्हे त्याच्यावर नोंद आहे. सोशल मीडियावर ‘रील स्टार’ म्हणून प्रसिद्धी मिळवणाऱ्या या आरोपीच्या अटकेमुळे परिसरात खळबळ उडाली असून, दीर्घकाळ प्रलंबित असलेल्या या खून प्रकरणाचा उलगडा झाल्याने पोलिसांच्या कामगिरीचे कौतुक होत आहे.

इतर महत्त्वाच्या बातम्या 

Exit Poll Result 2026: बंगालमध्ये मोठा उलटफेर! एक्झिट पोलमध्ये 'या' पक्षाचा तब्बल 192 जागांवर विजय