शैक्षणिक पात्रता काय?

या पदासाठी अर्ज करणाऱ्या उमेदवाराचे कमाल वय 1 सप्टेंबर 2026 पर्यंत 30 वर्षे असणे आवश्यक आहे. शासकीय नियमांनुसार अनुसूचित जाती (SC) आणि अनुसूचित जमाती (ST) प्रवर्गातील उमेदवारांसाठी 5 वर्षे, तर इतर मागासवर्गीय उमेदवारांसाठी 3 वर्षांची वयोमर्यादा शिथिलता देण्यात आली आहे. उमेदवाराकडे मान्यताप्राप्त विद्यापीठ किंवा संस्थेतून चार वर्षांची पूर्णवेळ नियमित B.Sc. (Agriculture) पदवी असणे अनिवार्य आहे.

हे ही वाचा : लोणावळा : 83 वर्षीय आजोबांकडून 32 वर्षीय नातवाची गोळी झाडून हत्या, अपघाताचा बनाव

अर्जाची अंतिम तारीख

शैक्षणिक पात्रतेमध्ये गुणांची टक्केवारी महत्त्वाची असून, सर्वसाधारण (General) व इतर मागासवर्गीय (OBC) उमेदवारांसाठी B.Sc. (Agriculture) मध्ये किमान 60% गुण असणे आवश्यक आहे. तसेच अनुसूचित जाती (SC) व अनुसूचित जमाती (ST) प्रवर्गातील उमेदवारांसाठी किमान 55% गुणांची अट ठेवण्यात आली आहे. या अटींची पूर्तता करणारे उमेदवार या भरतीसाठी पात्र ठरतील. या भरतीसाठी अर्ज करण्याची अंतिम मुदत 14 ऑक्टोबर आहे.

हे ही वाचा : मुंबईची खबर : 'या' ऐतिहासिक तलावातील शेकडो मासे मृत्यूमुखी, नेमकं कारण काय?

वेतन किती मिळणार?

प्रशिक्षण कालावधीमध्ये म्हणजेच पहिल्या एका वर्षासाठी उमेदवाराला प्रतिमहिना 33,300 रुपये स्टायपेंड (मानधन) दिले जाईल. प्रशिक्षण यशस्वीरीत्या पूर्ण केल्यानंतर आणि संस्थेच्या आवश्यकतेनुसार, उमेदवारांना रुपये 37,000 ते 70,000 रुपये या वेतनश्रेणीत समाविष्ट केले जाईल; तसेच संस्थेच्या नियमांनुसार इतर भत्ते व लाभ देय राहतील. अधिक माहितीसाठी www.iffco.in या अधिकृत संकेतस्थळाला भेट द्या.