तरुणाला मस्ती नडली, साप पकडताना केला दंश, नंतर तरुणाला रुग्णालयात नेलं अन् उपचारादरम्यान...

हे ही वाचा : 'लांडग्यांच्या कळपातून बाहेर आला वाघ', एकाच फ्रेममध्ये बाळासाहेब ठाकरे अन्... शिवसेनेच्या दसरा मेळाव्याचा 'AI' ट्रेलर घालतोय धुमाकूळ

साप पकडणं तरुणाच्या जीवावर बेतलं

निरखेडा गावाशेजारी नदीकाठी गोंविद गेला असता, त्याला साप दिसला. त्याने सर्प मित्राप्रमाणेच साप पकडण्याचा प्रयत्न केला, पण तोच प्रयत्न त्याच्या जीवावर बेतला. त्याने सापाच्या शेपटीला पकडले असता, तरुणाच्या हातावरच सापाने दंश केला. तेव्हाच गोंविद हा जखमी झाला, त्याला अनेकदा वाचवण्याचे प्रयत्न केले, ग्रामस्थांनी उपचारासाठी गोंविदला हॉस्पिटलला नेलं मात्र, उपचारादरम्यान तरुणाचा मृत्यू झाला. 

गोविंदच्या मृत्यूनंतर एका सर्प मित्राने सांगितलं की, कुठेही साप आढळला तर जवळच्या सर्प मित्रांना कळवावं, सापाबद्दल ज्ञान नसताना साप पकडण्याचं धाडस करू नये, हे असं धाडस करणं अनेकदा जीवावर बेतण्याची शक्यता आहे. जर साप पकडण्याचं ज्ञान असेल तर धाडस करावं. तरुणाला चावा घेतलेला साप हा विषारी असल्याची माहिती सर्प मित्र गोकुळ लाड यांनी दिली.

हे ही वाचा : गणेश घायवळने पोलिसांना गुंगारा दिला, आधी लंडन, तर आता स्वित्झर्लंडमध्ये जाऊन बसला, गुन्हे दाखल तरीही पासपोर्ट कसा भेटला?

डोंबिवलीत साप चावून चिमुरडीसह मावशीचा मृत्यू

दरम्यान, डोंबिवलीतील खंबाळपाडा परिसरात एका लहान मुलीसह तिच्या मावशीला साप दंश केल्याने दोघींचाही मृत्यू झाला. केडीएमसीच्या शास्त्रीनगर रुग्णालयात दोघींनाही उपचार न मिळाल्याने लहान मुलीसह तिच्या मावशीचा मृत्यू झाल्याची गंभीर बाब समोर आली आहे. याप्रकरणी वैद्यकीय अधिकाऱ्याला दालनात धारेवर धरलं आणि जाब विचारत ठिय्या आंदोलन केलं. मृत मुलगी ही तीन वर्षाची असून प्राणवी आणि तिच्या मावशीचे नाव श्रुती ठाकूर असे होते.