Maharashtra Weather: आजही बरसणार पाऊस, 'या' जिल्ह्यांना हवामान खात्याकडून अलर्ट जारी

हे ही वाचा : महिलेचा शारिरीक छळ, साताऱ्यातील विवाहितेनं घेतला गळफास, शवविच्छेदनाच्या अहवालाबाबत आईचा धक्कादायक दावा

कोकण विभाग : 

कोकण विभागातील रायगड, रत्नागिरी, सिंधुदुर्ग, पालघर आणि ठाणे जिल्ह्याचा समावेश होतो. या विभागातील सर्वच जिल्ह्यांमध्ये विजांच्या कडकडाटासह वादळी वाऱ्यांचा  पावसाचा अंदाज जारी केला आहे. या विभागातील जिल्ह्यांना हवामान विभागाने पावसाचा येलो अलर्ट जारी केला आहे. तसेच  याच भागांमध्ये 30-40 किमी प्रतितास वेगाने वारे वाहण्याची हवामान विभागाने शक्यता वर्तवली आहे. 

मध्य महाराष्ट्र : 

मध्य महाराष्ट्रातील धुळे, नंदुरबार, सांगली आणि सोलापूरात हवामान विभागाने  हलक्या पावसाचा अंदाज वर्तवला आहे. तसेच नाशिक, अहिल्यानगर, पुणे, कोल्हापूर, सातारा  जिल्ह्यात हवामान विभागाने विजांच्या कडकडाटासह हलका ते मध्यम स्वरुपाच्या पावसाचा अंदाज वर्तवला आहे. या जिल्ह्यांना हवामान विभागाने येलो अलर्ट जारी केला आहे. 

मराठवाडा विभाग : 

मराठवाड्यातील छत्रपती संभाजीनगर, जालना, परभणी, नांदेड,  बीड या जिल्ह्यांमध्ये हवामान विभागाने विजांच्या कडकडाटासह हलका ते मध्यम स्वरुपाच्या पावसाचा अंदाज वर्तवला आहे. याच जिल्ह्यांना हवामान विभागाने पावसाचा येलो अलर्ट जारी केला आहे.  तसेच लातूर आणि धाराशिव या जिल्ह्यात वादळी वाऱ्यासह  पावसाचा अंदाज जारी केला आहे.

हे ही वाचा : अजित पवारांच्या राष्ट्रवादीच्या कार्यालयात 'वाजले की बारा'वर महिलेचा तुफान डान्स, कार्यकर्त्यांना सुनेत्रा पवारांचा फोन

विदर्भ विभाग : 

राज्यातील विदर्भात  अकोला, अमरावती, बुलढाणा, भंडारा, चंद्रपूर,  गोंदिया, नागपूर, वर्धा, वाशिम,जिल्ह्यांचा समावेश होतो. या जिल्ह्यात हवामान विभागाने पावसाचा येलो अलर्ट जारी केला आहे.