राज्यातील 'या' जिल्ह्यांमध्ये हवामान विभागाकडून पावसाचा इशारा, तर काही ठिकाणी येलो अलर्ट जारी

हे ही वाचा : नागपूर हादरलं! नराधमांनी 13 वर्षीय मुलीला OYO हॉटेलवर नेत लैंगिक शोषण केलं, नंतर व्हिडिओ रेकॉर्ड करत...

कोकण विभाग : 

कोकण विभागातील रायगड, रत्नागिरी, सिंधुदुर्ग, पालघर आणि ठाणे जिल्ह्याचा समावेश होतो. या विभागातील सर्वच जिल्ह्यांमध्ये विजांच्या कडकडाटासह वादळी वाऱ्यांचा  हलका ते मध्यम स्वरुपाच्या पावसाचा अंदाज जारी केला आहे. या एकूण जिल्ह्यांना हवामान विभागाने पावसाचा येलो अलर्ट जारी केला आहे. तसेच  याच भागांमध्ये 30-40 किमी प्रतितास वेगाने वारे वाहण्याचा हवामान विभागाने अंदाज वर्तवला आहे. 

मध्य महाराष्ट्र : 

मध्य महाराष्ट्रातील धुळे, नंदुरबार, नाशिक, अहिल्यानगर, पुणे, कोल्हापूर, सातारा  आणि सोलापूरात हवामान विभागाने विजांच्या कडकडाटासह वादळी वाऱ्यासह  हलका ते मध्यम स्वरुपाच्या पावसाचा अंदाज वर्तवला आहे. या जिल्ह्यांमध्ये हवामान विभागाने येलो अलर्ट जारी केला आहे. तसेच जळगाव आणि सांगली जिल्ह्यात हवामान विभागाने हलका ते मध्यम पावसाचा अंदाज वर्तवला आहे. 

मराठवाडा विभाग : 

मराठवाड्यातील छत्रपती संभाजीनगर, नांदेड, बीड, लातूर आणि धाराशिव या जिल्ह्यात विजांच्या कडकडाटासह वादळी वाऱ्यासह  पावसाचा अंदाज जारी केला आहे. या जिल्ह्यांना हवामान विभागाने पावसाचा येलो अलर्ट जारी केला आहे. तसेच जालना, परभणी,  आणि हिंगोलीत हलका ते मध्यम स्वरुपाचा पाऊस असेल, असा हवामान विभागाचा अंदाज आहे.  

हे ही वाचा : हेडफोन लावून दोघांच्या डोक्यात सुरु होतं रीलचं खूळ, अहमदाबाद एक्सप्रेसने दिली धडक, दोघांचाही मृत्यू... जळगावात हळहळ

विदर्भ विभाग : 

राज्यातील विदर्भात  अकोला, अमरावती, बुलढाणा, भंडारा, चंद्रपूर,  गोंदिया, नागपूर, वर्धा, वाशिम,जिल्ह्यांचा समावेश होतो. या जिल्ह्यात हवामान विभागाने कसलीही चेतावणी दिली नाही. तर दुसरीकडे याच विदर्भातील गडचिरोली,  यवतमाळ , गडचिरोली, चंद्रपूर या जिल्ह्यांना हवामान विभागाने पावसाचा येलो अलर्ट जारी केला आहे.