Maharashtra Weather : राज्यात पावसाची संथ स्थिती, तर काही जिल्ह्यांना यलो अलर्ट

हे ही वाचा : बहाद्दरानं अपहरणाचं केलं नाटक, कुटुंबालाच केली 5 लाखांची मागणी

कोकण 

कोकण विभागातील पालघर, ठाणे, मुंबई आणि सिंधुदुर्ग या जिल्ह्यांमध्ये हलका ते मध्यम स्वरुपाचा पावसाटा अंदाज राहिल. रायगडमध्ये मध्यम स्वरुपाच्या पावसाची शक्यता आहे, तर रत्नागिरीत विजाच्या कडकडाटासह हलका ते मध्यम स्वरुपाच्या पावसाचा अंदाज आहे. 

उत्तर महाराष्ट्र 

उत्तर महाराष्ट्रात धुळे, अहिल्यानगर आणि नाशिकमध्ये विजांच्या कडकडाटासह हलक्या पावसाची शक्यता आहे. नाशिक घाटमाथा परिसरात हलका ते मध्यम स्वरुपाच्या पावसाची शक्यता आहे. जळगावमध्ये विजांच्या कडकडाटासह हलका ते मध्यम स्वरुपाच्या पावसाची शक्यता वर्तविण्यात आली आहे. 

पश्चिम महाराष्ट्र्

पुणे, कोल्हापूर आणि सातारा जिल्ह्यात हलक्या स्वरुपाचा पाऊस राहण्याची शक्यता आहे. सातारा घाटमाथा आणि कोल्हापूर घाटमाथा परिसरात मध्यम पावसाची शक्यता आहे. सांगलीत विजांच्या कडकडाटासह हलका पाऊस पडण्याची शक्यता आहे. सोलापूरमध्ये पावसाचा यलो अलर्टचा अंदाज आहे. 

मराठवाडा 

मराठवाडा विभागात छत्रपती संभाजीनगरात विजांच्या कडकडाटासह हलक्या पावसाचा अंदाज आहे. जालना, बीड, लातूर आणि धाराशिव या जिल्ह्यांत पावसाचा यलो अलर्टचा अंदाज आहे. नांदेड, हिंगोली, परभणी, विजांच्या कडकडाटासह हलका ते मध्यम स्वरुपाचा पाऊस राहण्याची अधिक शक्यता आहे.  

हे ही वाचा : सांगली : कचरा टाकण्यावरुन वाद, फरीदने दाम्पत्याला संपवलं, दोन मुली पोरक्या

विदर्भ 

अकोला, अमरावती, भंडारा, बुलढाणा, चंद्रपूर, गडचिरोली, वर्धा, वाशिम आणि यवतमाळ जिल्ह्यांना पावसाचा कोणताही अलर्ट वर्तविलेला नाही. तर गोंदियामध्ये पावसाचा यलो अलर्टचा अंदाज आहे.