मीरा भाईंदर: डब्ब्यात मेथीची भाजी आणल्याने विद्यार्थ्याला दंड, मनसे आक्रमक

हे ही वाचा : शाळेत प्रियकराने शिक्षिकेवर केला गोळीबार, नंतर स्वत:ला देखील संपवलं

मेथीची भाजी आणल्याने विद्यार्थ्याला 50 रुपयांचा दंड

मनसेचे मीरा भाईंदरचे पदाधिकारी रॉबर्ट डिसोझा यांनी पालिकेकडे तक्रार दाखल केली होती. त्यांच्या म्हणण्यांनुसार, शाळेतील बहुतांश विद्यार्थी हे जैन धर्मातील असून शाळेत येताना डब्ब्यात मांसाहारी पदार्थ तसेच कंदमुळे असलेले पदार्थ आणू नये अशा सूचना पालकांना दिल्या जात आहेत. अशातच एका विद्यार्थ्याने मेथीची भाजी आणल्याने त्याला 50 रुपयांचा दंड ठोठावण्यात आला आहे. 

मीरा-भाईंदर महापालिकेनं शाळेला कारणे दाखवा बजावली नोटीस

या तक्रारीची दखल घेत मीरा-भाईंदर महापालिकेनं शाळेला कारणे दाखवा नोटीस बजावली आहे. शाळांना विद्यार्थ्यांच्या आहारावर निर्बंध लादता येणार नाही, असे त्या नोटीशीत नमूद करण्यात आले आहे. या कृत्यांमुळे विद्यार्थ्यांच्या मूलभूत अधिकारांबाबत शिक्षणाच्या अधिकाराशी संबंधित नियमांचे उल्लंघन होण्याची शक्यता आहे, असे पालिकेनं आपले मत स्पष्ट केले आहे. 

हे ही वाचा : Astrology : पितृपक्षादरम्यान लक्ष्मी नारायण राजयोग, 4 राशींवर धनाचा वर्षाव

याआधी देखील असाच प्रकार 

दरम्यान, याआधी देखील मीरा रोड येथील एका शाळेत कांदा, लसूण आणि खाद्यपदार्थ डब्यात न आणण्याच्या सूचना दिल्या होत्या. या प्रकरणात शिक्षण विभागाने नोटीस बजावली होती, नंतर याबाबत परिपत्रके मागे घेण्यात आले होते. शाळेच्या व्यवस्थापकाची कोणतीही अधिकृत प्रतिक्रिया याबाबत समोर आली नाही.