Zepto मध्ये सापडले बुरशी लागलेले पदार्थ अन्... मुंबईकरांनो थोडं सांभाळून बरं!

लायसन्स रद्द केल्यावर  चं विधान

FDA ने झेप्टोचं लायसन्स रद्द करण्याबाबत एक निवेदनही जारी केले आहे. निवेदनात एफडीएने म्हटले आहे की, "मुंबईतील किरणकार्ट टेक्नॉलॉजीज प्रायव्हेट लिमिटेड (Zepto) चा अन्न व्यवसाय परवाना म्हणजेच लायसन्स तात्काळ निलंबित करण्यात आलं आहे. अन्न आणि औषध प्रशासन राज्यमंत्री योगेश कदम यांच्या आदेशानुसार ही कारवाई करण्यात आली आहे."

निरीक्षणादरम्यान आढळलेल्या त्रुटी

1. काही पदार्थांवर बुरशी.
2. घाण आणि साचलेल्या पाण्याजवळ उत्पादने साठवणे.
3. नियामक मानकांनुसार थंड साठवणूक तापमान राखले गेले नाही.
4. अन्नपदार्थांचे अव्यवस्थित साठवणूक, काही थेट ओल्या आणि घाणेरड्या जमिनीवर ठेवलेले.

हे ही वाचा: सृष्टी WhatsApp वर पाठवायची मुलींचे 'ते' फोटो, 'तो' घाणेरडा खेळ सुरू करणारी महिला अन्...

प्राधिकरणाच्या म्हणण्यानुसार, Zepto चालवणारी फर्म किरणकार्ट टेक्नॉलॉजीज अन्न सुरक्षा आणि मानके कायदा (2006) तसेच, अन्न सुरक्षा आणि मानके (अन्न व्यवसायांचे परवाना आणि नोंदणी) नियम, 2011 चे उल्लंघन करत असल्याचे आढळून आले.

FSSAI परवान्याशिवाय काम 

तपासणी दरम्यान, ही फर्म वैध FSSAI परवान्याशिवाय काम करत असल्याचे आढळून आले, जे अन्न सुरक्षा आणि मानके कायदा, 2006 च्या कलम 31(1) चे स्पष्ट उल्लंघन करत असल्याचं दिसून आलं. याव्यतिरिक्त, परिसर अत्यंत जीर्ण अवस्थेत आढळला. जे अन्न सुरक्षा आणि मानके (अन्न व्यवसायांचे परवाना आणि नोंदणी) नियम, 2011 च्या अनुसूची 4 अंतर्गत अनिवार्य मानकांचे उल्लंघन करते.

हे ही वाचा: अश्लील व्हिडीओ प्रकरण : भाजप नेते मनोहरलाल धाकड यांच्या मागे कुणाचा हात? माजी मुख्यमंत्र्यांनीच..

त्यानुसार, सहाय्यक आयुक्त (अन्न) अनुपमा बाळासाहेब पाटील यांनी अन्न सुरक्षा आणि मानके कायदा, 2006 च्या कलम 32(3) तसेच परवाना आणि नोंदणी नियमावली, 2011 च्या नियमन 2.8.8(4) अंतर्गत तात्काळ निलंबनाचे आदेश दिले.