Mumbai Weather: मुंबईसह कल्याण-डोंबिवलीत पाऊस करणार तुफान बॅटिंग, लोकल ट्रेनचं वेळापत्रक पाहूनच घराबाहेर पडा!

मुंबई

मुंबई शहर आणि उपनगरांमध्ये 2 जुलै रोजी सकाळपासून ढगाळ वातावरण राहील. भारतीय हवामान खात्याने मुंबईसाठी यलो अलर्ट जारी केला आहे, ज्यामुळे मध्यम ते मुसळधार पावसाची शक्यता आहे. विशेषतः दुपार आणि संध्याकाळच्या वेळी पावसाचा जोर वाढू शकतो. काही भागांमध्ये, जसे की हिंदमाता, सायन, अंधेरी, कुर्ला, चेंबूर आणि मालाड, पाणी साचण्याचा धोका आहे.  काही ठिकाणी मेघगर्जनेसह वादळी वारे वाहण्याची शक्यता आहे. 

हे ही वाचा>> मुंबईची खबर: BMC करणार मोठी भरती, मुंबईत वाढणार सफाई कर्मचारी!

मुसळधार पावसामुळे लोकल ट्रेन आणि रस्ते वाहतुकीवर परिणाम होऊ शकतो, त्यामुळे प्रवासाचे नियोजन करताना हवामान अपडेट जरूर जाणून घ्या. नागरिकांनी सखल भागात आणि समुद्रकिनारी जाणं हे टाळावं. कारण भरतीच्या वेळी पाणी साचण्याचा धोका आहे.

ठाणे

ठाणे जिल्ह्यात, विशेषतः ठाणे शहर, भिवंडी परिसरात, 2 जुलै रोजी ढगाळ वातावरणासह मध्यम ते जोरदार पावसाचा अंदाज आहे. हवामान खात्याने ठाणेसाठीही यलो अलर्ट जारी केला आहे. सकाळी हलक्या सरींनी सुरुवात होऊ शकते, तर दुपारनंतर पावसाचा जोर वाढण्याची शक्यता आहे. काही ठिकाणी विजांच्या कडकडाटासह पाऊस पडू शकतो.

हे ही वाचा>> अस्थि विसर्जन करायला गेलेले दोघे समुद्रात बुडाले, प्रत्यक्षदर्शींनी सांगितलं काय घडलं?

पालघर

पालघर जिल्ह्यात, विशेषतः डहाणू, बोईसर, तलासरी, वसई-विरार आणि जव्हार येथे, 2 जुलै रोजी सतत पावसाचे वातावरण राहील. हवामान खात्याने पालघरसाठी यलो अलर्ट जारी केला आहे, ज्यामुळे हलक्या ते मध्यम पावसासह काही ठिकाणी मुसळधार सरी पडण्याची शक्यता आहे. 

पालघरमधील किनारपट्टी भागात समुद्र खवळलेला असू शकतो, त्यामुळे मासेमारी आणि समुद्रकिनारी पर्यटन टाळावे. स्थानिक प्रशासनाच्या सूचनांचे पालन करणे आवश्यक आहे. सखल भागात पाणी साचण्याचा धोका असल्याने प्रवासाचे नियोजन काळजीपूर्वक करावे.

कल्याण-डोंबिवली

कल्याण-डोंबिवली परिसरात 2 जुलै रोजी ढगाळ वातावरणासह मध्यम ते मुसळधार पावसाची शक्यता आहे. सकाळी हलक्या सरींनी सुरुवात होऊ शकते, तर दुपार आणि संध्याकाळी पावसाचा जोर वाढेल. काही ठिकाणी मेघगर्जनेसह पाऊस पडण्याची शक्यता आहे.