नाशिक : महिलेवर बलात्कार केल्याचा आरोप, ज्योतिषाला अटक; एकनाथ शिंदेंचं भविष्य सांगून आलेला चर्चेत

 एकनाथ शिंदेंचा 'हात' पाहिल्याने तो आला होता चर्चेत

अशोक खरात हा अनेक बड्या राजकीय नेत्यांचे भविष्य सांगण्यासाठी प्रसिद्ध असून, राज्याचे अनेक दिग्गज नेते आपले भविष्य जाणून घेण्यासाठी त्याच्याकडे जात असत. नोव्हेंबर 2022 मध्ये उपमुख्यमंत्री एकनाथ शिंदे यांनी सिन्नर तालुक्यातील मिरगाव येथील श्री ईशान्येश्वर मंदिराला भेट दिली होती, तेव्हा खरात यांनी तत्कालीन मुख्यमंत्र्यांचा 'हात' पाहिल्याने तो मोठ्या प्रमाणावर चर्चेत आला होता.

हेही वाचा : टेन्शनचे दिवस संपले! 21 मार्चपासून शनी आपली चाल बदलणार, 'या' तीन राशीच्या लोकांच्या आयुष्यात घडणार चमत्कार

पोलीस तपासात 58 व्हिडिओ समोर 

कॅप्टन खरात याच्या अटकेनंतर पोलिसांनी त्याच्या विविध ठिकाणांवर शोधमोहीम राबवली असता, तपासात 58 व्हिडिओ मिळाले आहेत. सूत्रांनी दिलेल्या माहितीनुसार, हे व्हिडिओ काही प्रसिद्ध महिला आणि सेलिब्रिटींशी संबंधित असल्याचे समोर आले आहे. पोलीस सध्या या जप्त केलेल्या व्हिडिओंची सखोल तपासणी करत असून, यातून अधिक धक्कादायक बाबी समोर येण्याची शक्यता वर्तवण्यात येत आहे. खरात हा मिरगाव येथील श्री ईशान्येश्वर मंदिर ट्रस्टचा अध्यक्ष असून, केवळ राजकीय नेतेच नव्हे तर अनेक सेलिब्रिटी आणि मोठे उद्योगपतीही त्याच्याकडे मार्गदर्शनासाठी जात असत.

गुन्हेगारी पार्श्वभूमी समोर आल्यानंतर आता या प्रकरणाचा तपास नाशिक गुन्हे शाखा युनिट 1 कडे सोपवण्यात आला आहे. या कारवाईमुळे आध्यात्मिक आणि ज्योतिष क्षेत्रात खळबळ उडाली असून, खरातचे नेमके कोणाकोणाशी संबंध होते आणि व्हिडिओंमध्ये नेमके काय आहे, याचा शोध पोलीस घेत आहेत. अटकेनंतर त्याला न्यायालयात हजर केले जाणार असून, पुढील चौकशीत या प्रकरणाचे धागेदोरे कोठपर्यंत पोहोचतात याकडे सर्वांचे लक्ष लागले आहे.

अशोक खरात उर्फ कॅप्टन खरात याच्या हायप्रोफाईल लोकांशी असलेल्या कॉन्टॅक्टमुळे या प्रकरणाला विशेष महत्त्व प्राप्त झाले आहे. एका बाजूला बलात्काराचा गंभीर आरोप आणि दुसरीकडे नामांकित महिलांशी संबंधित व्हिडिओ हस्तगत झाल्याने पोलीस अत्यंत संवेदनशीलतेने या प्रकरणाचा तपास करत आहेत. मंदिर ट्रस्टचा अध्यक्ष आणि ज्योतिष या नात्याने त्याने किती लोकांची अशा प्रकारे फसवणूक किंवा शोषण केले आहे, याचाही उलगडा होण्याची शक्यता आहे. नाशिक पोलिसांच्या या धाडसी कारवाईमुळे पीडितेने सुटकेचा निःश्वास सोडला असून, कायद्याच्या चौकटीत राहून पुढील कायदेशीर प्रक्रिया पार पाडली जात आहे.

इतर महत्त्वाच्या बातम्या 

टेन्शनचे दिवस संपले! 21 मार्चपासून शनी आपली चाल बदलणार, 'या' तीन राशीच्या लोकांच्या आयुष्यात घडणार चमत्कार