नाशिक : बायकोचा बैल म्हणत आई-वडिलांकडून मानसिक छळ, लेकाची दोन मुलांसह विहिरीत उडी मारुन आत्महत्या

तत्परतेने मदतकार्य सुरू करत गावातील पोहण्यात निपुण तरुणांनी आणि आपत्कालीन पथकाने विहिरीत उतरून तिघांना बाहेर काढले. त्यांना तातडीने चांदवड उपजिल्हा रुग्णालयात नेण्यात आले, मात्र डॉक्टरांनी तिन्ही जणांना मृत घोषित केले. या घटनेमुळे हिरे कुटुंबावर शोककळा पसरली असून परिसरात हळहळ व्यक्त केली जात आहे.

हेही वाचा : ठाणे: किरकोळ कारणावरून जोडप्यात वाद... संतापलेल्या पतीने पत्नीला जागीच संपवलं, भयंकर घटनेने डोंबिवली हादरली!

पोलिसांनी दिलेल्या माहितीनुसार, दौलत हिरे चांदवडच्या दिघवद ग्रामपंचायतीत पाणीपुरवठा कर्मचारी म्हणून कार्यरत होते. घरगुती वाद आणि मानसिक ताणतणावातून त्यांनी हे टोकाचे पाऊल उचलल्याची शक्यता व्यक्त होत आहे. घटनास्थळी पोलीस निरीक्षक कैलास वाघ यांच्या नेतृत्वाखाली पंचनामा करण्यात आला.

दरम्यान, या प्रकरणात नव्या घडामोडी समोर आल्या. मृत दौलत हिरे यांच्या पत्नी सोनाली हिरे यांनी चांदवड पोलिसात सासू–सासऱ्यांविरुद्ध तक्रार दाखल केली आहे. त्यांच्या मते, विवाहानंतर (सप्टेंबर 2014)पासूनच सासरे रामभाऊ भाऊराव हिरे आणि सासू मीना हिरे हे घरातील किरकोळ कारणांवरून दौलत यांच्यावर मानसिक अत्याचार करत होते. पत्नीच्या म्हणण्यानुसार, बुधवारी सकाळीही घरातील वाद चिघळला आणि त्याच्या मागोमागच दौलत यांनी मुलांसह विहिरीत उडी घेतली.

सोनाली हिरे यांच्या तक्रारीनुसार, पोलिसांनी सासू-सासऱ्यांविरुद्ध आत्महत्येस प्रवृत्त केल्याचा गुन्हा नोंदवला असून पुढील तपास पोलिस उपनिरीक्षक बी.बी. नन्हे यांच्या मार्फत सुरू आहे. तपासाचा अहवाल आल्यानंतर या प्रकरणात आणखी खुलासे होण्याची शक्यता आहे. या दुर्दैवी घटनेमुळे गावात शोककळा पसरली असून समाजात मानसिक स्वास्थ्य, कौटुंबिक वाद आणि त्यातून होणाऱ्या परिणामांवर गंभीर प्रश्नचिन्ह उभे राहिले आहे.

इतर महत्त्वाच्या बातम्या 

ठाणे : पोटात दुखत असल्याने शरीर संबंधास नकार, प्रियकराने प्रेयसीचा खून करुन मृतदेह देसाई खाडीत फेकला