नाशिक : 'माझ्या गळ्यात रुद्राक्ष..ती दैवी शक्ती..', भोंदूचा महिलेवर अत्याचार; अंनिसमुळे बाबाचा पर्दाफाश

लॉजवर नेऊन जबरदस्ती आणि अश्लील फोटोंद्वारे ब्लॅकमेलिंग

पीडितेने दिलेल्या तक्रारीनुसार, 23 ऑगस्ट 2024 रोजी या ढोंगी बाबाने तिची दिशाभूल करून पंचवटी परिसरात बोलावले. तिथून त्याने तिला आपल्या गाडीत बसवून त्र्यंबकेश्वर रोडवरील एका लॉजवर नेले. महिलेने तिथे जाण्यास विरोध केला असता, आरोपीने आपल्या गळ्यातील रुद्राक्ष दाखवत "माझ्याकडे दैवी शक्ती आहे, तू मला रोखू शकणार नाहीस," अशी धमकी देऊन तिच्यावर जबरदस्तीने शारीरिक संबंध ठेवले. इतक्यावरच न थांबता या नराधमाने पीडितेचे नग्न फोटोही काढले. या घटनेनंतर जेव्हा पीडितेने पोलिसांत जाण्याचा विचार केला, तेव्हा आरोपीने तिला आपल्या कार्यालयात बोलावून "मी गुंडा आहे, जर कोणाला सांगितले तर परिणामांना तयार राहा," असे म्हणत धमकावले. पुरावे नष्ट करण्यासाठी त्याने पीडितेचा मोबाईल हिसकावून त्यातील सर्व मेसेज आणि फोटो डिलीट करून टाकले होते.

हेही वाचा : मालेगाव बॉम्बस्फोट: CBI, NIA च्या तपासानंतरही शेवटचे चारही आरोपी निर्दोष, मग दोषी कोण?

अंनिसच्या मदतीने भोंदू बाबाचा पर्दाफाश आणि कायदेशीर कारवाई

भीतीच्या छायेत काही काळ शांत राहिल्यानंतर पीडित महिलेने अखेर हिंमत दाखवून अंधश्रद्धा निर्मूलन समितीशी (अंनिस) संपर्क साधला. अंनिसच्या कार्यकर्त्यांनी या प्रकरणाची गंभीर दखल घेत पीडितेच्या पाठीशी उभे राहण्याचा निर्णय घेतला. त्यानंतर लासलगाव पोलीस ठाण्यात या भोंदू बाबाविरुद्ध विविध कलमान्वये गुन्हा दाखल करण्यात आला आहे. या घटनेने नाशिक जिल्ह्यात मोठी खळबळ उडाली असून, अशा फसव्या बाबांच्या दाव्यांना बळी पडू नका, असे आवाहन अंनिसचे कृष्णा चांदगुडे यांनी केले आहे. कठीण काळात कोणत्याही अवैज्ञानिक किंवा धार्मिक विधींचा आधार घेण्यापेक्षा कायदेशीर आणि वैद्यकीय मार्गांचा अवलंब करणे किती गरजेचे आहे, हे या घटनेवरून पुन्हा एकदा अधोरेखित झाले आहे.

समाजात स्वतःला दैवी शक्तीचे अवतार म्हणवून घेणाऱ्या अशा समाजकंटकांना वेळीच चाप लावणे आवश्यक आहे. पालकांनीही आपल्या मुलांच्या समस्या सोडवण्यासाठी डॉक्टरांकडे जाण्याऐवजी अशा भोंदू बाबांकडे जाणे टाळले पाहिजे. अंधश्रद्धा निर्मूलन समितीने केलेल्या मदतीमुळे या पीडितेला न्याय मिळण्याची आशा निर्माण झाली असून, पोलिसांनी नागरिकांना कोणत्याही अन्यायाविरुद्ध किंवा अशा ढोंगी बाबांविरुद्ध तात्काळ तक्रार करण्याचे आवाहन केले आहे. 

इतर महत्त्वाच्या बातम्या 

रेवती नक्षत्रात बुध आणि मंगळ ग्रहाची युती, 'या' राशींच्या लोकांची होणार चांदी, तुमच्या राशीत काय?