Govt Job: 'हिंदुस्तान पेट्रोलियम'मध्ये मध्ये 608 पदांसाठी मोठी भरती... इंजीनिअर तरुणांसाठी उत्तम संधी

काय आहे पात्रता? 

या भरतीमधील ग्रॅज्युएट अप्रेन्टिस ट्रेनी पदासाठी उमेदवारांकडे कोणत्याही मान्यताप्राप्त विद्यापीठातून बी.ई (B.E)किंवा बी.टेक (B.Tech)ची पदवी असणं आवश्यक आहे. ही डिग्री सिव्हिल, मॅकेनिकल, इलेक्ट्रिकल किंवा इंस्ट्रूमेंटेशन ब्रांचमध्ये असणं गरजेचं आहे. यासाठी सामान्य (General) आणि ओबीसी (OBC) प्रवर्गातील उमेदवारांना किमान 60 टक्के गुण असणं अनिवार्य आहे तसेच, अनुसूचित जाती (SC), अनुसूचित जमती (ST) आणि अपंग उमेदवारांनी किमान 50 टक्के गुणांसह पदवीचं शिक्षण पूर्ण करणं अनिवार्य आहे. यासोबतच, उमेदवाराचं उत्तीर्ण वर्ष 1 एप्रिल 2023 किंवा त्यानंतरचं असणं आवश्यक आहे. यापूर्वी उत्तीर्ण झालेले उमेदवार या भरतीसाठी पात्र राहणार नाहीत. 

वयोमर्यादा 

हिंदुस्तान पेट्रोलियमच्या या भरतीमध्ये सहभागी होण्यासाठी उमेदवाराचं किमान वय 18 वर्षे आणि कमाल वय 25 वर्षे असणं आवश्यक आहे. तसेच, सरकारी नियमांनुसार राखीव प्रवर्गातील उमेदवारांना उच्च वयोमर्यादेत सूट दिली जाईल. म्हणजेच अनुसूचित जाती आणि अनुसूचित जमाती प्रवर्गासाठी 5 वर्षे, ओबीसी प्रवर्गासाठी 3 वर्षे आणि अपंग उमेदवारांसाठी 10 वर्षे सूट दिली जाईल.  

हे ही वाचा: मुंबईची खबर: आता, मुंबईत पुन्हा मोनोरल धावणार! MMRDA चा मोठा निर्णय... कधीपासून होणार सुरू?

या भरतीसाठी कोणत्याही प्रकारची लेखी परीक्षा किंवा मुलाखत घेतली जाणार नाही. उमेदवारांची निवड पूर्णपणे पदवीच्या गुणांवर आधारित असेल. बीई (B.E) किंवा बीटेक (B.Tech)मध्ये मिळालेल्या गुणांच्या टक्केवारीवर आधारित मेरिट लिस्ट तयार केली जाईल. शेवटी, या उमेदवारांना डॉक्यूमेंट व्हेरिफिकेशनसाठी बोलवण्यात येईल. या भरतीमध्ये निवड झालेल्या पदवीधर उमेदवारांना 25,000 रुपये मासिक वेतन मिळेल, ज्यामध्ये HPCL कडून 20,500 रुपये आणि भारत सरकारकडून DBT द्वारे 4,500 रुपये असं एकूण 25,000 रुपये वेतन मिळेल. 

कसा कराल अर्ज? 

1. या भरतीसाठी अर्ज करण्यासाठी उमेदवारांनी सर्वप्रथम 'एचपीसीएल'च्या या अधिकृत वेबसाइटला भेट द्या. 
2. त्यानंतर, 'Apprentice 2026' क्लिक करून 'New Registration' वर क्लिक करा. 
3. रजिस्ट्रेशन झाल्यानंतर, तुमच्या ईमेलवर लॉगिन आयडी आणि पासवर्ड मिळेल. 
4. आता लॉगिन करून वैयक्तिक तसेच शैक्षणिक माहिती भरा. 
5. नंतर, इंजीनिअरिंग ब्रांच आणि राज्याची निवड करा. 
6. सर्व आवश्यक डॉक्यूमेंट्स अपलोड करा. 
7. शेवटी, फॉर्म सबमिट करून त्याची प्रिंटआउट काढून सुरक्षितरित्या ठेवा.