होम
राजकीय आखाडा
निवडणूक
गुन्ह्यांची दुनिया
शहर-खबरबात
राशीभविष्य-धर्म
पैशाची बात
फोटो बाल्कनी
हवामानाचा अंदाज
टॉपिक
Govt Job: भारतीय हवाई दलात एअरमेन बनण्याची पुरुषांसाठी एक उत्तम संधी उपलब्ध झाली आहे. भारतीय हवाई दलाने पुरुषांसाठी मेडिकल असिस्टंट ट्रेड म्हणजेच वैद्यकीय सहाय्यक व्यापारात रिक्त पदांची घोषणा केली आहे. हवाई दलाकडून एअरमेन इनटेक 01/2027 पदांसाठी भरती जाहीर झाली असून यासाठी ऑनलाइन अर्ज करण्यासाठी उमेदवार iafrecruitment.edcil.co.in या अधिकृत वेबसाइटला भेट देऊ शकतात. या भरतीसाठी 12 जानेवारी 2026 रोजी अर्ज करण्याची प्रक्रिया सुरू झाली असून उमेदवार 1 फ्रेब्रुवारी 2026 पर्यंत अर्ज करू शकतात. अर्ज करण्याची शेवटची तारीख जवळ आली असून यासाठी इच्छुक विद्यार्थ्यांना लवकरात लवकर ही प्रक्रिया पूर्ण करण्याचा सल्ला दिला आहे.
ADVERTISEMENT
काय आहे पात्रता?
या भरतीमध्ये सहभागी होण्यासाठी उमेदवारांनी कोणत्याही मान्यताप्राप्त विद्यापीठातून भौतिकशास्त्र (फिजिक्स), रसायनशास्त्र (केमिस्ट्री), जीवशास्त्र (बायोलॉजी) आणि इंग्रजीमध्ये किमान 50 टक्के गुणांसह 10+2/ इंटरमीडिएट/ समतुल्य परीक्षा उत्तीर्ण केलेली असावी. तसेच त्यांना इंग्रजीमध्ये किमान 50 टक्के गुण असले पाहिजेत. याशिवाय, भौतिकशास्त्र, रसायनशास्त्र, जीवशास्त्र आणि इंग्रजी विषयांत दोन वर्षांचा व्यावसायिक अभ्यासक्रम पूर्ण केलेले उमेदवार देखील अर्ज करण्यास पात्र आहेत. तसेच, डिप्लोमा/ बी.एससी, फार्मसीसाठी, उमेदवारांनी किमान 50 टक्के गुणांसह भौतिकशास्त्र, रसायनशास्त्र, जीवशास्त्र/ इंग्रजी या विषयांसह इंटरमिजिएट/ 10+2/ समतुल्य परीक्षा उत्तीर्ण केलेली असावी आणि राज्य फार्मसी कौन्सिलमध्ये त्यांची वैध नोंदणी असणे आवश्यक आहे.
वयोमर्यादा
मेडिकल असिस्टंट ट्रेड (10+2) साठी, उमेदवाराची जन्मतारीख 1 जानेवारी 2006 ते 1 जानेवारी 2010 दरम्यान असावी. तसेच मेडिकल असिस्टंट ट्रेड (डिप्लोमा/ बी.एससी. फार्मसी) पदांसाठी (अविवाहित पुरुष) उमेदवाराचा जन्म 1 जानेवारी 2003 ते 1 जानेवारी 2008 दरम्यान असावा आणि विवाहित पुरुष उमेदवारांसाठी, जन्मतारीख 1 जानेवारी 2003 ते 1 जानेवारी 2006 दरम्यान असणं अनिवार्य आहे.
लेखी परीक्षा, शारीरिक चाचणी, डॉक्यूमेंट व्हेरिफिकेशन म्हणजेच कागदपत्रांची पडताळणी आणि वैद्यकीय चाचणी म्हणजेच मेडिकल टेस्ट या टप्प्यांमार्फत उमेदवारांची अंतिम निवड केली जाईल.
हे ही वाचा: शाळकरी मुलीला चॉकलेटचं आमिष दाखवलं अन् स्कूल व्हॅनमध्येच चालकाचा 14 वर्षीय विद्यार्थीनीवर बलात्कार...
कसा कराल अर्ज?
1. एअरमन एन्ट्रीसाठी अर्ज करण्यासाठी, तुम्हाला सर्वप्रथम iafrecruitment.edcil.co.in या अधिकृत वेबसाइटला भेट द्यावी लागेल.
2. येथे तुम्हाला तुमचा ईमेल आयडी आणि मोबाईल नंबर वापरून रजिस्ट्रेशन करावं लागेल.
3. त्यानंतर मिळालेल्या यूजरनेम आणि पासवर्डच्या साहाय्याने लॉग इन करा.
4. आता, एअरमेन टॅबवर जा आणि सर्व वैयक्तिक आणि शैक्षणिक माहिती भरा.
5. माहिती भरल्यानंतर, पासपोर्ट आकाराचा रंगीत फोटो (100 KB ते 200 KB) jpg/jpeg स्वरूपात अपलोड करा आणि सही तसेच लाईव्ह फोटो देखील अपलोड करा.
6. सर्व माहिती भरल्यानंतर आणि डॉक्यूमेंट्स अपलोड केल्यानंतर शेवटी फॉर्म सबमिट करा आणि प्रिंटआउट घ्या.
या भरतीशी संबंधित इतर कोणत्याही माहितीसाठी, उमेदवार हवाई दलाच्या अधिकृत वेबसाइटला भेट देऊ शकतात.
ADVERTISEMENT
