Govt Job: भारतीय टपाल विभागात नोकरीची सुवर्णसंधी! 10 वी पास उमेदवारांनी आत्ताच करा अर्ज...

एकूण 48 पदे भरली जाणार... 

या भरतीअंतर्गत एकूण 48 पदे भरली जाणार असून उमेदवार 19 जानेवारी 2026 पर्यंत यासाठी अर्ज करू शकतात. स्टाफ कार ड्रायव्हर पदावर नियुक्ती झाल्यानंतर, उमेदवारांना वेगवेगळ्या टपाल विभाग कार्यालयांत तैनात केलं जाईल. तसेच, उमेदवारांची पात्रता, ड्रायव्हिंग अनुभव आणि विभागाच्या नियमांवर आधारित त्यांची निवड केली जाईल. 

पात्रता आणि वयोमर्यादा 

या भरतीअंतर्गत, 10 वी उत्तीर्ण असलेले उमेदवार अर्ज करू शकतात. यासोबत, उमेदवारांकडे वैध ड्रायव्हिंग लायसन्स तसेच, हल्के आणि जड वाहने चालवण्याचा अनुभव सुद्धा नियुक्तीसाठी ग्राह्य धरला जाणार आहे. या भरतीसाठी 18 ते 27 वर्षे उमेदवारांसाठी वयोमर्यादा निश्चित करण्यात आली आहे. तसेच, सरकारी नियमांनुसार राखीव प्रवर्गातील उमेदवारांना उच्च वयोमर्यादेत सूट दिली जाईल. 

हे ही वाचा: मुंबई: साखरझोपेत असताना फ्रीजचा स्फोट... एकाच कुटुंबातील तिघांचा होरपळून मृत्यू, गोरेगावमध्ये खळबळ

किती मिळेल वेतन? 

उमेदवारांची नियुक्ती झाल्यानंतर, त्यांना 7 व्या वेतन आयोगानुसार लेव्हल 2 अंतर्गत 19,900 रुपये मासिक वेतन दिलं जाईल. यासोबतच कर्मचाऱ्यांना केंद्र सरकारच्या नियमांनुसार, महागाई भत्ता, प्रवास भत्ता आणि इतर भत्ते देखील दिले जातील. हे पद कायमस्वरूपी सरकारी सेवेअंतर्गत येतं, ज्यामुळे कर्मचाऱ्यांना नोकरीची सुरक्षा, भविष्य निर्वाह निधी, पेन्शन आणि इतर सामाजिक सुरक्षा लाभ देखील मिळतील. 

कसा कराल अर्ज? 

1. उमेदवारांनी अर्ज करण्यासाठी सर्वप्रथम indiapost.gov.in या अधिकृत वेबसाइटवरून अर्ज डाउनलोड करा. 
2. अर्जात आवश्यक माहिती भरून त्यात फोटो चिकटवा. 
3. यासोबतच, 10 वी मार्कशीट, ड्रायव्हिंग लायसन्स आणि संबंधित क्षेत्रात अनुभवाच्या सर्टिफिकेटची कॉपी फॉर्मला जोडा. 
4. सर्व डॉक्यूमेंट्स लिफाफ्यात ठेवा. 
5. त्यानंतर, हा लिफाफा स्पीड पोस्ट किंवा रजिस्टर्ड पोस्टच्या माध्यमातून Office of the Senior Manager,Mail Motor Service,GPO Compound,Mirzapur,Ahmedabad - 380001 या पत्त्यावर पाठवा.