Govt Job: 'या' बँकेत निघाली मोठ्या पदांवर भरती! लाखोंचा पगार अन्... कसं कराल अप्लाय?

या भरतीसाठी अर्ज करण्याची प्रक्रिया 1 ऑक्टोबर 2025 पासून सुरू झाली असून उमेदवार 21 ऑक्टोबर 2025 पर्यंत अर्ज करू शकतात. भरतीमध्ये सहभागी होण्यासाठी उमेदवारांना  www.nhb.org.in या बँकेच्या अधिकृत वेबसाइटवर जाऊन अर्ज करावा लागेल. 

'या' पदांवर होणार भरती

• जनरल मॅनेजर (क्रेडिट मॉनिटरिंग): सीए/एमबीए/पीजीडीएम/पीजीडीबीएम
• डेप्युटी मॅनेजर (ऑडिट): चार्टर्ड अकाउंटंट (सीए)
• डेप्युटी मॅनेजर (लर्निंग अँड डेव्हलपमेंट): एमबीए/पीजीडीएम
• डेप्युटी मॅनेजर (मानव संसाधन): एमबीए/पीजीडीएम/पीजीडीबीएम
• जनरल मॅनेजर (मानव संसाधन, कंत्राटी): पदवीधर (मानव संसाधनात पदव्युत्तर पदवी)
• डेप्युटी मॅनेजर (कंपनी सचिव, कंत्राटी): पदवीधर आणि आयसीएसआय सदस्यत्व
• मुख्य अर्थशास्त्रज्ञ: अर्थशास्त्रात पदव्युत्तर पदवी

किती मिळेल पगार? 

जनरल मॅनेजर (स्केल–VII): 1,56,500 रुपये ते 1,73,860 रुपये 
डेप्युटी मॅनेजर  (स्केल–II): 64,000 रुपये ते 93,960 रुपये 

हे ही वाचा: बेदम मारहाण, नंतर बोटंच छाटली अन् अखेर... मुलांसमोरच वडिलांची निर्घृण हत्या! छत्रपती संभाजीनगरमध्ये काय घडलं?

अर्जाचं शुल्क

प्रवर्गानुसार, उमेदवारांसाठी अर्जाचं शुल्क निश्चित करण्यात आलं आहे. या भरतीमध्ये सहभागी होण्यासाठी SC (एससी)/ ST (एसटी)/ PwBD (पीडब्ल्यूबीडी)  प्रवर्गातील उमेदवारांना 175 रुपये शुल्क भरावं लागेल. याव्यतिरिक्त, इतर प्रवर्गातील उमेदवारांना 850 रुपये अर्जाचं शुल्क भरणं अनिवार्य आहे. 

कशी होईल निवड? 

या भरतीमध्ये उमेदवारांची निवड शॉर्टलिस्टिंग आणि इंटरव्ह्यूच्या आधारे केली जाईल. तसेच, अर्जदारांची संख्या वाढली तर बँकेकडून उमेदवारांच्या नियुक्तीसाठी ग्रुप डिस्कशन (जीडी) किंवा प्राथमिक स्क्रीनिंग देखील आयोजित केली जाऊ शकते. 

हे ही वाचा: बळीराजाचा आनंद गगनात मावेना, कोथिंबिरची पेंडी 170 रुपयांना तर मेथीची 70 रुपयांवर; तुमच्या शहरातील भाव काय?

कसा कराल अर्ज? 

1. या भरतीमध्ये अर्ज करण्यासाठी उमेदवारांना सर्वप्रथम www.nhb.org.in 
या अधिकृत वेबसाइटला भेट द्यावी लागेल. 
2. यानंतर, 'Recruitment' सेक्शनमध्ये जाऊन भरतीशी संबंधित लिंकवर क्लिक करा. 
3. आता सर्व आवश्यक माहिती भरून रजिस्ट्रेशनची प्रक्रिया पूर्ण करा. 
4. सर्व आवश्यक माहिती आणि डॉक्यूमेंट्स सबमिट करून अर्ज भरा. 
5. शेवटी, अर्जाचं शुल्क भरून फॉर्म सबमिट करा. 
6. आता, अर्जाची प्रिंटआउट काढून ती भविष्यासाठी सुरक्षितरित्या ठेवा.