हे ही वाचा : आईनेच तान्हुल्या बाळाला रस्त्याच्या कडेला फेकून दिलं, भटक्या जनावरांनी लचके तोडले; डॉक्टरांकडे नेईपर्यंत जीव गेला

'असा' घडला थरार

ही घटना सकाळी सुमारे 9.10 ते 9.15 वाजण्याच्या दरम्यान महाराष्ट्र बँकेजवळील बाईक रोड परिसरातील एका भाड्याच्या घरात घडली. पोलिसांनी दिलेल्या माहितीनुसार, सोनी संतोष जायभाय असे आरोपी महिलेचे नाव आहे. तिने आपल्या साईराज संतोष जायभाय (वय 11) या मुलाचा राहत्या घरात गळा चिरून निर्घृण खून केला. त्यानंतर तिने धनश्री संतोष जायभाय (वय 13) या मुलीवरही हल्ला करून तिचा गळा कापण्याचा प्रयत्न केला.

मुलीचा आरडाओरडा ऐकून शेजाऱ्यांची धावाधाव

हल्ल्यानंतर गंभीर जखमी अवस्थेत धनश्रीने आरडाओरडा सुरू केला. तिचा आवाज ऐकून शेजाऱ्यांनी घराकडे धाव घेतली. रक्तबंबाळ अवस्थेत धनश्रीने दरवाजा उघडताच शेजाऱ्यांनी तिला तातडीने वाघोली येथील लाईफ केअर रुग्णालयात दाखल केले. तिची प्रकृती सध्या गंभीर असून डॉक्टरांकडून उपचार सुरू आहेत.

हे ही वाचा : प्रेमसंबंधात अडसर ठरतो म्हणून एका वर्षाच्या चिमुकल्याची अपहरण करून हत्या; विवाहित महिलेच्या प्रियकराचं कृत्य

का केला मुलाचा खून?

दरम्यान, घटनेची माहिती मिळताच वाघोली पोलीस ठाण्याचे अधिकारी आणि मार्शल पथक घटनास्थळी दाखल झाले. मुलगा साईराज याला ससून रुग्णालयात हलवण्यात आले; मात्र डॉक्टरांनी तपासणीपूर्वीच त्याला मृत घोषित केले. पोलिसांनी आरोपी महिला सोनी जायभाय हिला ताब्यात घेतले असून, या अमानुष कृत्यामागील कारणांचा शोध घेण्यासाठी पुढील तपास सुरू आहे.