पात्रतेचे निकष

या भरतीसाठी उमेदवारांचे वय 1 जानेवारी 2027 रोजी 20 ते 30 वर्षांच्या दरम्यान असणे आवश्यक आहे. शासकीय नियमांनुसार राखीव प्रवर्गातील उमेदवारांना वयोमर्यादेत सूट देण्यात आली असून, अनुसूचित जाती (SC) व अनुसूचित जमाती (ST) प्रवर्गातील उमेदवारांना 5 वर्षे, तर इतर मागासवर्गीय (OBC) उमेदवारांना 3 वर्षांपर्यंत वयोमर्यादेत सूट मिळेल. निवड झालेल्या उमेदवारांना 7 व्या वेतन आयोगानुसार 'लेव्हल-6' (Level-6) च्या श्रेणीमध्ये आकर्षक वेतन श्रेणी व भत्ते दिले जातील.

हे ही वाचा : उपोषणाला बसतो अन् बाथरुममध्ये खातो; कदमांच्या जहरी टीकेनंतर जरांगे भडकले; म्हणाले, “थोरली बेगम”

अर्जासंबंधी महत्त्वाच्या तारखा

या पदासाठी भरती प्रक्रिया पूर्णपणे ऑनलाइन पद्धतीने पार पडणार आहे. संभाव्य वेळापत्रकानुसार ऑनलाइन अर्ज नोंदणी 27 ऑक्टोबर 2026 पासून सुरू होणार असून अर्ज करण्याची शेवटची तारीख 25 नोव्हेंबर 2026 आहे. परीक्षा शुल्क व इतर सविस्तर तपशील लवकरच प्रसिद्ध केला जाईल. निवड झालेल्या उमेदवारांना संपूर्ण भारतात कुठेही सेवा देण्याची तयारी ठेवावी लागणार आहे.

हे ही वाचा : आरोपीची गर्लफ्रेंड राधा अन् तिच्यासोबत बबिता... टायगर श्रॉफ गोळीबार प्रकरणी नवी खळबळजनक माहिती

'असा' करा अर्ज

इच्छुक व पात्र उमेदवारांनी आपले अर्ज वेळेत भरण्यासाठी आवश्यक कागदपत्रांची तयारी ठेवावी. या भरतीशी संबंधित अधिकृत सूचना, सविस्तर जाहिरात आणि अर्ज करण्यासाठी उमेदवारांनी रेल्वे भरती मंडळाच्या rrb.indianrailways.gov.in या अधिकृत संकेतस्थळाला भेट द्यावी.