Ram Mandir : ‘6 डिसेंबरच्या रात्री गुपचूप खाल्ले होते केशरी पेढे’, IAS मनिषा म्हैसकरांची पोस्ट व्हायरल

Ayodhya Ram Mandir : अयोध्येतील राम मंदिरात पंतप्रधान नरेंद्र मोदी (Pm Narendra Modi) यांच्या हस्ते सोमवारी रामलल्लाची प्राणप्रतिष्ठा करण्यात आली. त्यानंतर विधिवत पद्धतीने रामलल्ला मंदिरात विराजमान झाले होते. प्राणप्रतिष्ठेचा हा संपूर्ण सोहळा अख्ख्या देशाने टिव्हीवर पाहून आनंदोत्सव साजरा केला होता. असे असतानाचा आयएएस अधिकारी मनिषा म्हैसकर (manisha mhaiskar)  यांची एक फेसबूक पोस्ट प्रचंड चर्चेत आली आहे. या पोस्टमध्ये नेमकं काय आहे? हे जाणून घेऊयात. (ram mandir pran pratishtha ias manisha mhaiskar facebook post viral pm narendra modi ayodhya)

मनिषा म्हैसकर यांची पोस्ट जशीच्या तशी

जय श्री राम
आयुष्याचं वर्तुळ पूर्ण होतं आणि…तेही कसं!
6 डिसेंबर 1992 हा मसुरीतला अतिशय थंडीचा दिवस होता. 1992 ची आयएएस बॅच त्यांच्या फाऊंडेशन कोर्ससाठी होती.

अयोध्येतील रामजन्मभूमीवरील महत्वाच्या घडामोडीच्या बातम्या हळूहळू पसरत होत्या. त्यावेळी एक बैठक आयोजित करण्यात आली होती. परंतू ही केवळ निमंत्रीतांसाठी बैठक होती. माझी नागपूरशी घट्ट जुळेलेली नाळ निमंत्रक म्हणून पूरेशी मानली गेली होती.या बैठकीत जय श्री रामाचा जयघोष सुरू होता आणि पेढे वाटले जात होते. मला एक केसर पेढा खाल्ल्याचे आठवते आणि त्याक्षणी 6 डिसेंबर 1992 च्या अत्यंत थंड रात्री मला माहिती होते की अयोध्येतील घडामोडी ही कशाची तरी सूरूवात आहे. खूप सकारात्मक, खूप शक्तिशाली आणि खूप शूभ…

हे ही वाचा : Uddhav Thackeray : “…आणि उद्या तुम्हाला तुरुंगात टाकणारच आहोत”

या गोष्टी नेहमी होतात तशा पेढे वाटून खाल्ल्याची बातमी फुटली आणि एकच खळबळ उडाली. नोटीसा बजावण्यात आल्या. जातीयवादी घटक आयएएसमध्ये घुसखोरी करत आहेत, असे सांगण्यात आले होते.

एका मोठ्या दैनिकाच्या पहिल्या पानावर ही घटना छापून आली. 1992 च्या बॅचला निराशाजनक ठरवण्यात आलं.. ज्यात प्रामुख्याने लहान शहरातील लोक होते. पॉश, स्मार्ट शहरातल्या मुलांना काय झालं? धर्मनिरपेक्षता कुठे गेली? असे सवाल विचारण्यात आले.

आयुष्य पुढ जात राहिलं पण विश्वास दृढ होता. 6 डिसेंबर 1992 च्या रात्री गुपचूप खाल्लेला पेढा ही काहीतरी शक्तिशाली, काहीतरी सकारात्मक , काहीतरी शूभ अशी सूरूवात होती. आणि उद्याचा दिवस 22 जानेवारी 2024 अयोध्येतील रामलल्ला प्राणप्रतिष्ठा आणि प्रत्येकाला उत्सवात सामील होण्यासाठी राष्ट्रीय सुट्टीची घोषणा करून उजाडेल.

आज पूर्वसंध्येला, मी दुसरा केसरी पेढा खात असताना मला 6 डिसेंबरचा मौलिक क्षण आठवला आणि त्यातून आलेली अतिशय सकारात्मक आणि शुभ शक्तिशाली भावना पुन्हा जागी झाली.

कोण आहेत मनीषा म्हैसकर ?

मनिषा म्हैसकर या सनदी अधिकारी आहे.नुकतीच शिंदे-फडणवीस सरकारने सहा सनदी अधिकाऱ्यांना अतिरिक्त मुख्य सचिवपदी बढती दिली होती. यामध्ये मनिषा म्हैसकर यांचा देखील समावेश होता. मनिषा म्हैसकर यांची पीडब्ल्युडी अतिरिक्त मुख्य सचिवपदी बढती देण्यात आली होती. तर मिलिंद म्हैसकर यांची सार्वजनिक आरोग्य विभागाचे अतिरिक्त मुख्य सचिव म्हणून नियुक्ती करण्यात आली होती.

हे ही वाचा : Rohit Pawar : “मी एकटा बाहेर नाही निघणार, तर…”, रोहित पवारांनी सांगितलं प्रकरण

सनदी अधिकारी मनिषा म्हैसकर आणि मिलिंद म्हैसकर या दोघांचीही लोकसेवा आयोगाच्या परीक्षेतून 1992 मध्ये सोबतच आयएएसपदी निवड झाली होती. मसुरीला प्रशिक्षणादरम्यान त्यांच्यात मैत्री झाली. डिसेंबर 1994 मध्ये दोघांनी लग्न केले होते.