सोलापूर : आई-वडील झोपेतून उठेनात दोन्ही मुली चिंतेत, समोरचं दृश्य पाहून काळजात धस्स झालं, नेमकं काय घडलं?

अधिकची माहिती अशी की, शुक्रवारी म्हणजेच 27 फेब्रुवारी 2026 रोजी सकाळी सुमारे सहाच्या सुमारास हा प्रकार उघडकीस आला. रात्री जेवण करून पती-पत्नी आपल्या दोन मुलींसह झोपले होते. मात्र सकाळी आई-वडील उठत नसल्याचे पाहून मुलींनी त्यांना उठवण्याचा प्रयत्न केला. त्यावेळी दोघांच्या तोंडातून फेस येत असल्याचे भीषण दृश्य मुलींनी पाहिले आणि त्या घाबरून गेल्या. तात्काळ त्यांनी आपल्या काकांना फोन करून माहिती दिली. काकांनी त्वरित घटनास्थळी धाव घेत दोघांना उपचारासाठी श्री छत्रपती शिवाजी महाराज सर्वोपचार रुग्णालय येथे दाखल केले.मात्र डॉक्टरांनी उपचारापूर्वीच दोघांचा मृत्यू झाल्याचे घोषित केले.

हेही वाचा : नवी मुंबई: मॅट्रिमोनिअल साइटवर महिलांशी ओळख, नंतर लैंगिक शोषण अन् पैसे सुद्धा उकळले! पोलिसांनी केला पर्दाफाश

या घटनेमुळे परिसरात एकच खळबळ उडाली आहे. प्राथमिक माहितीनुसार घटनास्थळी एक चिठ्ठी सापडल्याची चर्चा आहे; मात्र याबाबत पोलिसांकडून अधिकृत पुष्टी झालेली नाही. एमआयडीसी पोलीस ठाणे यांच्या हद्दीत ही घटना घडली असून पोलिसांनी तपास सुरू केला आहे. आत्महत्या की इतर काही कारण, याचा उलगडा तपासाअंती होणार आहे.

सोमनाथ पाटील यांनी पूर्वी कुक्कुटपालन व्यवसाय केला होता. त्यानंतर त्यांनी घरातून किराणा दुकान सुरू केले होते. पती-पत्नी दोघे मिळून दुकान चालवत होते. त्यांच्या पश्चात दोन लहान मुली असा परिवार आहे. घटनेमुळे सोलापूर शहरात हळहळ व्यक्त केली जात आहे. दोन निष्पाप मुलींच्या डोळ्यांसमोर घडलेला हा प्रकार सर्वांनाच अस्वस्थ करून गेला आहे. पोलिस तपासानंतरच मृत्यूमागील नेमके कारण स्पष्ट होणार असून शहराचे लक्ष आता या प्रकरणाच्या उलगड्याकडे लागले आहे.

इतर महत्त्वाच्या बातम्या 

नवी मुंबई: मॅट्रिमोनिअल साइटवर महिलांशी ओळख, नंतर लैंगिक शोषण अन् पैसे सुद्धा उकळले! पोलिसांनी केला पर्दाफाश