10 वर्षीय मुलीसोबत घृणास्पद कृत्य! शाळेत जात असताना बळजबरीने कारमध्ये ओढलं अन् 2 तास...

पीडितेवर बलात्कार करण्याचा प्रयत्न 

मिळालेल्या माहितीनुसार, शनिवारी सकाळी 10.30 वाजताच्या सुमारास ही घटना घडली. प्रकरणातील पीडिता ही कंकर खेडा पोलीस स्टेशन हद्दीतील रहिवासी असून ती तिसऱ्या इयत्तेत शिकत होती. मुलगी नेहमीप्रमाणे तिच्या शाळेत जात असताना वाटेत एका व्यक्तीने तिच्याजवळ कार थांबवून तिला बळजबरीने गाडीत ओढलं. आरोपीने मुलीला सुमारे दोन तास ओलीस ठेवलं आणि तिच्यावर बलात्कार करण्याचा प्रयत्न केला.

पोलिसांनी दिलेल्या माहितीनुसार, आरोपीने गंभीररित्या जखमी झालेल्या मुलीला रस्त्याच्या कडेला फेकून दिलं आणि घटनास्थळावरून फरार झाला. संबंधित पीडितेच्या कुटुंबाची आर्थिक परिस्थिती बिकट असल्याचं सांगण्यात येत आहे. सात वर्षांपूर्वीच मुलीच्या वडिलांचं निधन झालं असून तिची आई मजूरी करून कुटुंबियांचा  उदरनिर्वाह करते. घटनेनंतर, मुलीची मेडिकल तपासणी करण्यात आली आहे. 

हे ही वाचा: मुंबईची खबर: मुंबईकरांसाठी दिलासा! लोकल ट्रेन वेळेवर धावणार; विलंब कमी होणार, नवीन कॉरिडोरविषयी जाणून घ्या...

संबंधित प्रकरणाचं गांभीर्य लक्षात घेऊन पोलीस प्रशासनाने त्वरीत चार पथके तयार केली. तपासादरम्यान, पोलिसांनी परिसरातील CCTV फुटेज तपासले आणि त्यावरून घटनेत वापरण्यात आलेली कारची ओळख पटवण्यात आली. या माहितीच्या आधारे पोलिसांनी भमोरी गावातील रहिवासी असलेल्या फूल कुमार नावाच्या आरोपीला अटक केल्याचं सांगण्यात येत आहे. 

हे ही वाचा: पुणे : थोडासा वाद झाल्याने संतापली, महिलेने युवकाला 2 कि.मी. लांब फरफटत नेले; पाहा व्हिडीओ

आरोपीने पोलिसांच्या चौकशीदरम्यान, त्याचा गुन्हा कबूल केला असून घटनेत वापरण्यात आलेली कार सुद्धा जप्त करण्यात आली आहे. तसेच, आरोपीविरुद्ध अपहरण, विनयभंग आणि पोक्सो अॅक्ट अशा गंभीर कलमांखाली गुन्हा दाखल करण्यात आला आहे. पोलिसांच्या माहितीनुसार, आरोपीच्या विरोधात आता कायदेशीर कारवाई केली जात आहे.