यूट्यूबर तरुणीने आपल्या आईलाच केली बेदम मारहाण! नंतर, घरच्यांनी सांगितली चकित करणारी कहाणी...

यासंबंधी पोलीस स्टेशनमध्ये FIR दाखल करणारी वंशिकाची आई बंटी देवी ही आदर्श कॉलनीमधील रहिवासी असल्याची माहिती आहे. तिने आपली 17 वर्षीय मुलगी वंशिका आणि तिच्या यूट्यूब चॅनलचे मॅनेजर हिमांशु यांच्याविरुद्ध तक्रार दाखल केली आहे. 

घर आणि प्लॉट नावावर करण्याची योजना 

महिलेच्या आईच्या म्हणण्यानुसार, तिची मुलगी 'वंशिका हापुड वीके' नावाने एक युट्यूब चॅनेल चालवते. मागील 2 वर्षांपासून ती तिच्या चॅनल मॅनेजर हिमांशुसोबत राहत आहे. आईच्या आरोपीनुसार, हिमांशूने वंशिकाला प्रेमाच्या जाळ्यात अडकवलं. वंशिकाची आई म्हणाली की, हिमांशूची अशी इच्छा आहे की वंशिकाने तिच्या घरातील सर्व दागिने आणि पैसे चोरून त्याला द्यावेत आणि घर तसेच प्लॉट त्याच्या (हिमांशूच्या) नावावर करावा.

हे ही वाचा: राजकीय पक्षाच्या नेत्यावर महिलेसोबत घृणास्पद कृत्य केल्याचा आरोप! थेट रॉडने प्रायव्हेट पार्टवर हल्ला केला अन्...

आरोपींनी दिली धमकी...

एफआयआरनुसार, 4 नोव्हेंबर 2025 रोजी संध्याकाळी, वंशिका तिचा मॅनेजर हिमांशू आणि त्याचा भाऊ यशसोबत आईच्या घरी गेली आणि घरात घुसताच वंशिका तिच्या आईला शिवीगाळ करत म्हणाली, "हे घर माझे आहे." वंशिकाच्या बोलण्याला तिच्या आईने विरोध खेला असता वंशिकाने तिला मारहाण केली आणि हिमांशु, यशला सुद्धा घरात बोलवलं. त्यानंतर, तिघांनी मिळून आई आणि बहीण शिखाला बेदम मारहाण केली. 

हे ही वाचा: मुंबईची खबर: दीड तासांचा प्रवास आता केवळ 15 मिनिटांत... 'या' मार्गाला जोडलं जाणार ठाणे-बोरीवली ट्विन टनल!

वाद वाढत गेल्यानंतर, शिखाने 112 नंबरवरून पोलिसांना फोन केला. त्यावेळी, वंशिकाचे वडील सुद्धा घरी आले. त्यांनी तिघांना घरातून बाहेर जाण्यास सांगितल्यानंतर वंशिका चप्पल घेऊन आपल्या वडिलांच्या अंगावर धावून गेली. पोलीस गेल्यानंतर, तिन्ही आरोपींनी घर आणि प्लॉट हिमांशुच्या नावावर न केल्यास जीवे मारण्याची धमकी दिली. त्यामुळे, वंशिकाच्या विरोधात कठोर कारवाई केली जावी, असं तिच्या आईचं म्हणणं आहे.