25 वर्षांपूर्वी लग्न, 7 मुलं झाली..,नवरा चारित्र्यावर संशय घेऊ लागला, शेवटी भयंकर घडलं!

विश्वासाची जागा संशयाने घेतली; सात मुलांच्या डोक्यावरून मायचे छत्र हरपले

रवी मांझी आणि बबीता कुमारी यांचा विवाह सुमारे 25 वर्षांपूर्वी झाला होता आणि बबीता ही रूपौ पोलीस ठाण्याच्या हद्दीतील फरेदा गावाची रहिवासी होती. लग्नानंतर त्यांचा संसार फुलला आणि त्यांना सात मुले झाली, मात्र एवढा मोठा परिवार असूनही पती-पत्नीच्या नात्यात विश्वासाची जागा संशयाने घेतली होती. नातेवाईकांनी दिलेल्या माहितीनुसार, रवि अनेकदा बबीतावर विनाकारण संशय घेत असे आणि घरात यावरून दररोज भांडणे होत असत. हा वाद एक दिवस इतका भयानक वळण घेईल आणि हत्येपर्यंत पोहोचेल, अशी कल्पना कुटुंबातील कोणीही केली नव्हती.

हेही वाचा : बायकोचा वाढदिवस साजरा केला अन् गमावला जीव, आईला वेगळाच संशय; अखेर समोर आले 'ते' सत्य

16 वर्षांच्या मुलाने सांगितला थरार; पतीने पत्नीच्या छातीत खुपसला चाकू

घटनेच्या दिवशी पती-पत्नीमध्ये पुन्हा एकदा जोरदार वादावादी झाली आणि रागाच्या भरात रवीने आपला ताबा गमावला. त्याने घरातील चाकू उचलून पत्नी बबीतावर सपासप वार केले, ही सर्व घटना त्याच्या मुलांच्या डोळ्यादेखत घडली. मृत महिलेच्या 16 वर्षांच्या मुलाने सांगितले की, त्याचे वडील वारंवार आईवर संशय घेत असत आणि वादादरम्यान वडिलांनी आईच्या छातीत चाकू खुपसला. आईचा आक्रोश ऐकून कुटुंबातील लोक आणि शेजारी मदतीला धावले, मात्र तोपर्यंत बराच उशीर झाला होता. गंभीर जखमी झालेल्या बबीताला तातडीने रुग्णालयात नेण्यात आले, पण जखमा खोल असल्याने डॉक्टरांच्या प्रयत्नांना यश आले नाही आणि उपचारादरम्यान तिचा मृत्यू झाला.

आरोपी पती फरार; कौआकोल पोलीस करत आहेत शोधमोहीम

या अमानवीय घटनेनंतर आरोपी रवी मांझी घटनास्थळावरून पळ काढण्यात यशस्वी झाला आहे. घटनेची माहिती मिळताच कौआकोल पोलीस ठाण्याचे पथक तातडीने घटनास्थळी दाखल झाले आणि त्यांनी मृतदेह ताब्यात घेऊन उत्तरीय तपासणीसाठी (पोस्टमार्टम) पाठवून दिला आहे. पोलीस ठाण्याचे प्रभारी अनिल कुमार सिंह यांनी सांगितले की, प्राथमिक तपासात पती-पत्नीमधील वादातून ही हत्या झाल्याचे स्पष्ट होत आहे. आरोपीच्या अटकेसाठी पोलिसांनी विविध ठिकाणी छापेमारी सुरू केली असून लवकरच त्याला बेड्या ठोकल्या जातील. या घटनेमुळे दरमा गावात शोककळा पसरली असून सात निष्पाप मुलांच्या डोक्यावरचे मायेचे छत्र कायमचे हरपले आहे.

इतर महत्त्वाच्या बातम्या 

बायकोचा वाढदिवस साजरा केला अन् गमावला जीव, आईला वेगळाच संशय; अखेर समोर आले 'ते' सत्य