नवरा अन् मुलांना सोडून मुंबईत आली अन्...

मिळालेल्या माहितीनुसार, रुखसाना आणि साकिब यांच्यात आधीपासूनच प्रेमसंबंध होते. मात्र, कौटुंबिक व सामाजिक बंधनांमुळे त्यांचा विवाह होऊ शकला नाही. रुखसानाचे कांठ येथे लग्न झाले असून तिला तीन मुलेही आहेत. परंतु, जुलै 2026 मध्ये ती पुन्हा एकदा साकिबच्या संपर्कात आली. कुटुंबीयांनी तिला परत आणण्याचा प्रयत्न केला, तरी तिने पती व मुलांसोबत राहण्यास नकार दिला आणि ती साकिबसोबत मुंबईत निघून आली. साकिब मुंबईत रिक्षा चालवण्याचे काम करतो. काही दिवसांनंतर साकिबची पत्नीही मुंबईत राहू लागल्याने त्यांच्यात गृहकलह व तणाव वाढू लागला होता.

हे ही वाचा : सुनेत्रा पवार राज्याच्या अर्थमंत्री होणार? राष्ट्रवादीची बैठक अन् फडणवीसांच्या भेटीगाठी; काय घडतंय?

नाल्यात आढळला मृतदेह

याच वादातून 26 सप्टेंबर रोजी रुखसाना सांताक्रूझ परिसरातून रहस्यमयरीत्या बेपत्ता झाली. तिचा प्रेमी साकिब यानेच वाकोला पोलीस ठाण्यात ती हरवल्याची तक्रार नोंदवली होती. पोलीस तिचा सतत शोध घेत होते, परंतु अनेक दिवस तिच्याबाबत कोणताही सुगावा लागला नव्हता. अखेर 18 ऑक्टोबर रोजी वांद्रे भागातील नाल्यात तिचा मृतदेह सापडला. घटनेची माहिती मिळताच बिजनौरहून नातेवाईक मुंबईत पोहोचले आणि कायदेशीर प्रक्रिया पूर्ण करून मृतदेह मूळ गावी घेऊन गेले.

हे ही वाचा : मुंबईची खबर : समुद्र असूनही मुंबईतील हवा इतकी प्रदूषित का? पर्यावरण शास्त्रज्ञ काय सांगतात?

हत्या कुणी केली?

गावात मृतदेह पोहोचताच कुटुंबीयांनी एकच आक्रोश केला असून संपूर्ण सादकपूर गावावर शोकाकुल कळा पसरली आहे. रुखसानाचे वडील इरफान यांनी साकिबवर आपल्या मुलीला प्रेमाच्या जाळ्यात ओढून तिची हत्या केल्याचा थेट आरोप केला आहे. पीडित कुटुंबाने आरोपीवर कठोर कायदेशीर कारवाई करून न्यायाची मागणी केली आहे. सध्या मुंबई पोलीस हत्येमागचे नेमके कारण आणि संपूर्ण घटनाक्रम स्पष्ट करण्यासाठी कसून तपास करत आहेत.