कॉन्स्टेबलचा पत्नीशी वाद, बायकोवर केला तव्याने हल्ला, लेकीची हत्या करून नदीत उडी मारत स्वत:ला संपवलं

हे ही वाचा : संतापलेल्या बायकोनं नवरा झोपेत असताना जीभच कापली, नेमकं कारण काय?

पतीकडून बायकोवर तव्याने हल्ला

शिवानीवर तव्याने हल्ला केल्यानं तिची प्रकृती गंभीर होती. पोलिसांनी गौरवचा शोध घेण्यास सुरुवात केली. तो कुठेही सापडला नाही, पण आता गौरव यादव सापडल्याचं वृत्त आहे. दरम्यान एक बाब लक्षात घ्यावी लागेल, जेव्हा पोलीस आणि कुटुंबियांनी गौरवचा शोध सुरु केला, तेव्हा यमुना नदीजवळ त्याचे कपडे आढळून आले होते. 

गौरवने नदीत उडी मारत आपलंच जीवन संपवल्याचा संशय होता. हा संशय खरा ठरला असून, घटनेच्या काही दिवसांतच पोलिसांनी गौरव यादवचा मृतदेह यमुना नदीतून बाहेर काढल्याचं सांगण्यात येत आहे. या घटनेनंतर गौरवने त्याच्या कुटुंबाशी फोनवरून संवाद साधला होता. या कथित घटनेची ऑडिओ क्लिप आता व्हायरल होत आहे. 

'मी खूप मोठी चूक केली..'

संबंधित ऑडिओत गौरव म्हणतो की, 'मी खूप मोठी चूक केली, आज शिवानीशी माझा वाद झाला होता, ती मला सतत चिथावत असायची. तिने मला अनेकदा चिथावलं. माझा गणवेश देखील फाडून टाकला. त्यानंतर मी शिवानीच्या डोक्यावर जोरदार हल्ला केला'. हा ऑडिओ गौरवने नदीत उडी मारण्यापूर्वीचा असल्याचं सांगण्यात येत आहे. 

हे ही वाचा : 'मॅडम इथं दुखतंय...', अंगणवाडीतील चिमुकलीने शिक्षिकेला सांगितलं अन् मोठ्या दादानेच अत्याचार केल्याचं समोर

बापाने चिमुरडीला संपवलं

शिवानी ही सध्या कानपुरात उपचार घेत आहे, जिथं तिची प्रकृती सध्या चिंताजनक असल्याचं सांगण्यात येत आहे. शिवानीच्या कुटुंबाने हुंडाबळी खटला दाखल केला. कुटुंबातील सात सदस्यांवर हुंडाबळीप्रकरणी गुन्हा दाखल केला असून पोलीस या प्रकरणाचा शोध घेत आहेत. पोलिसांनी दिलेल्या माहितीनुसार, गौरव यादव या पोलीस अधिकाऱ्याने 14 जानेवारी रोजी कौटुंबिक वादातून पत्नी आणि मुलीवर प्राणघातक हल्ला केला होता. या हल्ल्यात चिमुकलीचा मृत्यू झाला. नंतर मृतदेह ताब्यात घेऊन शवविच्छेदनासाठी पाठवण्यात आला, दरम्यान या प्रकरणाचा तपास सुरु आहे.