कन्नड अभिनेत्रीने केली प्रियकराची हत्या, मद्यधुंद अवस्थेत असतानाच लव्ह ट्रँगलमुळे वादाची ठिणगी, क्रूरपणे संपवलं

लव्ह लव्ह ट्रँगलमुळे वादाची ठिणगी, अन् हत्याकांड

तपासात असे समोर आले आहे की, मुख्य आरोपी बिंदू ही गेल्या काही काळापासून मोहन राव यांच्यासोबत लिव्ह-इन रिलेशनशिपमध्ये राहत होती. दोघेही आपापल्या जोडीदारांपासून विभक्त झाले होते. मात्र, गेल्या काही दिवसांपासून त्यांच्या नात्यात तणाव निर्माण झाला होता. याच दरम्यान बिंदूची मैत्री धनुष आणि विनय नावाच्या दोन तरुणांशी झाली. हे दोघेही वारंवार बिंदूच्या घरी येत असत, ज्यावरून मोहन राव आणि बिंदू यांच्यात सतत खटके उडत होते. या लव्ह ट्रँगलमधून हत्येचा कट रचला गेल्याचा पोलिसांना संशय आहे.

हेही वाचा : महाराष्ट्रातून विनोद तावडेंसह चौघांच्या नावाची घोषणा, राज्यसभा निवडणुकीसाठी भाजपची दुसरी उमेदवार यादी जाहीर

पार्टी दरम्यान थरार; गळा दाबून केली हत्या

घटनेच्या दिवशी बिंदू, तिचे दोन मित्र आणि मोहन राव यांनी मिळून पार्टी केली होती. मद्यधुंद अवस्थेत असताना मोहन राव आणि बिंदू यांच्यात जोरदार भांडण सुरू झाले. वादाचे रूपांतर हाणामारीत झाले असता, धनुष आणि विनय यांनी मध्यस्थी करण्याऐवजी मोहन राव यांच्यावर हल्ला केला. पोलिसांनी दिलेल्या माहितीनुसार, विनयने मोहन राव यांच्यावर चाकूने वार केले आणि त्यानंतर आरोपींनी त्यांचे हात-पैर बांधून तोंड व नाकावर चिकटपट्टी (टेप) लावली. श्वास गुदमरल्यामुळे मोहन राव यांचा जागीच मृत्यू झाला.

तांत्रिक पुराव्यांच्या आधारे आरोपी गजाआड

हत्या केल्यानंतर तिन्ही आरोपी घटनास्थळावरून फरार झाले होते. मात्र, बेंगळुरू पोलिसांनी तांत्रिक पुरावे आणि सीसीटीव्ही फुटेजच्या आधारे अभिनेत्री बिंदू, धनुष आणि विनय यांना बेड्या ठोकल्या आहेत. ही हत्या रागाच्या भरात झाली की याचा आधीच कट रचला होता, याचा तपास पोलीस करत आहेत. एका अभिनेत्रीचे नाव या प्रकरणात आल्याने चित्रपट सृष्टीत मोठी खळबळ उडाली असून पोलीस लवकरच न्यायालयात आरोपपत्र दाखल करणार आहेत.

इतर महत्त्वाच्या बातम्या 

ब्राह्मण मुलीसोबत तुमच्यातलाच असल्याचं सांगून संबंध ठेवले, गरोदर झाल्याने लग्नाचा तगादा लावताच धर्मांतरासाठी दबाव