पुणे : भरदिवसा XUV कारमधून व्यापाऱ्याच्या मुलाचे अपहरण, पोलीस मागे लागताच आरोपींनी पळ काढला

मिळालेल्या माहितीनुसार, आज मंगळवारी दुपारी कापूरहोळ येथून XUV कारमधून या युवकाचे अपहरण करण्यात आले. अचानक घडलेल्या या प्रकारामुळे परिसरात एकच खळबळ उडाली. घटनेची माहिती तात्काळ पोलिसांना देण्यात आली. तसेच ग्रामसुरक्षा यंत्रणेद्वारेही मुलाच्या वडिलांनी मदतीसाठी संपर्क साधला.

हेही वाचा : रंग खेळून नदीवर गेला अन् परतलाच नाही, वैनगंगेत बुडून इंजिनिअरचा मृत्यू; अंत्यसंस्कारासाठी लाकडंच मिळेनात

माहिती मिळताच जेजुरी पोलीस स्टेशन आणि निरा पोलिसांनी जेऊर व निरा परिसरात तात्काळ नाकाबंदी केली. संशयित वाहनाचा शोध सुरू असताना जेऊरकडून पिसुर्टीकडे जाणारी एक संशयित कार पोलिसांच्या नजरेस पडली. पोलिसांनी कार अडवण्याचा प्रयत्न केला असता, रस्ता अरुंद असल्याने ती कार उसाच्या शेतात जाऊन अडकली. दरम्यान, अपहरणकर्ते घटनास्थळावरून पळून जाण्यात यशस्वी झाले. मात्र पोलिसांनी व्यापाऱ्याच्या मुलाची सुखरूप सुटका केली. 

“ग्रामस्थांच्या सहकार्यामुळे आणि तात्काळ नाकाबंदी केल्यामुळे मुलाची सुरक्षित सुटका शक्य झाली. आरोपींचा शोध सुरू आहे,” अशी माहिती  दीपक वाकचौरे यांनी दिली. सध्या या प्रकरणाचा अधिक तपास जेजुरी पोलीस करत आहेत. अपहरणामागील नेमकं कारण काय, आरोपी कोण आणि या कटामागे आणखी कोणाचा सहभाग आहे का, याचा शोध घेतला जात आहे.

इतर महत्त्वाच्या बातम्या 

पुणे : इस्रो सायंटिस्ट असल्याचे सांगून लग्नाचे आमिष, आयटी इंजिनियर तरुणीकडून 42 लाख लुबाडले, आरोपी गोव्यात करायचा चैनी